一早起身，又在酒店食早餐，早餐的食物選擇頗多，不過個人唔係咁啱食，我只係食左 toast and boiled egg，今日9:00出發，要成三個鐘車程，中間停左一次中途站休息，呢個中途站有兩間店，大果間好多人，排晒長龍，細果間冇人，見到支裝水都平，買返支先，今個行程，買樽裝水都買唔少，又熱又乾，個人好缺水！好快上返車繼續行程，未夠一點已經到達碼頭，我地要坐船去威尼斯，領隊話威尼斯有好多個島，我地會去最旺果個，而呢個碼頭就非常之大，因為同時可泊多隻超級郵輪，今日眼見已經有六隻，領隊話D郵輪通常在威尼斯停半日，D遊客留在威尼斯觀光，一隻船閒閒地都有四、五千人，可想而知遊客量有幾多！
我地坐接駁船去威尼斯大約15分鐘，一落船就見兩個女仕戴著面具，穿上較華麗的裙，吸引遊客拍照，當然要收費，如果你沒有付錢，她們會阻止你拍照，不過她們只有口頭阻止，因為她們的裙很長，她們應該站在高台上，所以不能隨便走動，睇你手快定佢口快！這𥚃有多條河流，所以有很多誇河的橋，亦是經常在電視看到貢多拉船經過的橋，沿路先去參觀歎息橋，領隊話以前一些囚犯由監獄前往法院受審，一般是死囚，他們經過這條橋前往法院，表示將要去死刑，在這道密封的橋上，有個小小的窗，可以望出來，看到旁邊另一條橋上，來道別的親人的最後一面，因而叫做嘆息橋，橋下有貢多拉經過，所以企滿人在拍照，經過幾條誇河的橋，入去一些橫街，到達午餐的餐廳，餐廳叫做 Travena fei Dogi 店內格局都係一排排長枱，全部係做團，坐低先來一碟淨菜沙律，只加了橄欖油，當然唔少得麵包，領隊話意大利人食麵包就像中國人吃飯一樣，他們主要用麵包點汁，不是我們平時食西餐，吃麵包飲湯，呢度唔係好興飲湯咁，食左幾餐西餐，得一餐有湯！跟住係墨魚汁意粉，味道唔錯，有小小辣，不過係淨意粉，餐餐意粉都係得個汁，無任何餸！主菜係魚柳、炸魷魚圈、炸銀魚仔，老實說真係唔好食！魚柳唔係腥，但味道和質感好怪，我又唔喜歡食炸野，所以勉強食左D魚就算！食完飯在店外橫街影下相，又繼續行程！
下一站係聖馬可廣場和聖馬可教堂，呢個廣場的兩旁，有多間商店，亦有些餐廳，餐廳的座位都是露天的，侍應都是恤衫西褲，部分也穿西裝，有幾間更有 live music，領隊話呢D有樂隊的餐廳，會有人 serve 你，所以收費較貴，我地好想試，不過要等自由活動時間，先知夠唔夠時間去試！跟住去參觀玻璃工場，工人示範燒玻璃瓶，火爐高溫有1030度，工人將燒熔的玻璃，又拉又吹，就成了玻璃瓶，旁述話要有四十年經驗才做到，之後當然係銷售時間，店員介紹一套兩隻玻璃杯（大概是最低消費吧）約€200，又介紹一套水瓶連六隻杯及托盤，約€2600包 DHL送到你屋企，亦介紹一款薰衣草色的杯，在不同燈光下會變成藍色，好友睇中一套兩隻包金邊的酒杯，價錢€250，呢隻杯的杯身有斜紋，但倒水入去之後斜紋會消失左，好神奇，個人認為全人手做包金邊，價錢唔算貴，問題你有幾鐘意，同埋有冇需要，雖然店員主動減價至€200，好友最後決定唔買，全團只有一位女士買了一條€95的頸鍊！參觀完之後，領隊帶我地去一家洒店的宴會廰拍照，因為個 view好靚，當然呢個並不在行程之內，唔係佢帶路，真係唔會走去人地洒店！呢度個view 好靚，正正在河邊，又沒有遊客，影完相，行過名店街，出返去聖馬可廣場，自由活動時間，我地先去飲咖啡！
我地去左一間有 live music 的餐廳，近住河邊，我們坐近台，可以近距離欣賞 live music ，我們叫了兩杯 cappuccino 和一杯 gin tonic，一邊聽音樂，一邊嘆咖啡，同時欣賞威尼斯的風景，真是賞心樂事！飲完咖啡，我地去買手信，好友買了些小禮物，我就冇，老實說，呢類小禮物，好多人都唔太 like，如果送個杯或者銷匙扣，大家都有好多，如果食物，可以買朱古力，不過擔心返到香港會溶晒！所以索性唔話比人知去旅行，唔使買D唔啱洗既野比人！買完手信，去返碼頭集合，坐返船返去，今程船好拋，坐到我地有小小暈船浪，唔係幾舒服！
坐返旅遊巴返酒店，今晚入住 SHG hotel，這家酒店的房比較細，而且舊，舊得來唔太清潔，放低行李就去食飯，晚餐在酒店食，見到個格局好似 ok，不過餐廳有蚊同烏蠅，感覺唔太好，同之前西餐一樣，菜同麵包先，跟住又係茄汁長通粉，主菜係雞扒，煎得好乾！食完飯急急腳去超市！超時收九點，路程要十分鐘左右，呢間超市好大間，好多唔同既野買，我地好想買水果，所以主攻水果，買左扁桃、車厘茄、水，因為天氣熱，日日都要飲水，所以一口氣買左12支，超市始終平D，買完慢慢行返去！
沒有留言:
發佈留言