今日去咗天后食嘢，搵左呢間蠔灣，成間餐廳，只有20個位，全部一律高身櫈，十二點幾，有十二、三個客，餐牌主要係 set lunch ，有六款選擇，叫左兩款，都話賣晒，未到一點午餐時間已經賣晒，唯有揀另外兩款， 另外再叫左兩款生蠔，叫店員介紹，店員停頓左兩秒，反問想食邊款.........我地話要一款爽身D，一款 creamy D，店員話叫師傅幫我地揀！ 生蠔來到，尚算新鮮，set lunch跟埋餐湯，未落order前問咗乜嘢湯，店員話龍蝦湯，但係送來的是忌廉湯，問店員點解唔係龍蝦湯，只係答"賣晒"！(^_^*)，叫左意粉同意大利飯，味道唔錯！
食完飯，去左銅鑼灣行左陣，去 tea 一 tea，原本想去咖啡弄，但係大排長龍！改去富豪洒店的 Cafe Rivoli ，成間 coffee shop 都冇客，個格局係做 buffet晚餐，我地坐近門口，叫了一客韓式炸雞，飲杯茶，都坐左個幾鐘先走！
沒有留言:
發佈留言