上次去到食唔到，今次早D去，5:40去取飛，取了119號飛，但現時只叫到74號飛，估計剛剛入了一轉，眼見好耐冇叫號碼，想放棄時。又開始叫，以我估計，每枱限90分鐘，入面約十二、三張枱，如果未叫的號碼有一半走左，即係有廿二、三個號碼才到，那便要兩轉後，即三小時才可以入坐！最後還是等了！！
足足等到近九㸃才入坐！呢度全部四人枱，每枱得一個爐，所以不能撘枱！餐牌一早睇到爛熟！叫了兩個御好海鮮，一個芝士年糕，店員可以幫你整，可以自己整，多數都自己整，枱面有油、醬汁、炒麵汁、海苔碎、鰹魚碎等，亦有一份說明，教你點整，我地既御好燒，先將材料混合好，再倒在已經加左油的鐵板上，整成圓形，煎5分鐘，有個時間掣比你計時，煎完一邊，反轉煎另一邊，5分鐘後可以落自己喜歡的醬汁，仲有支蛋黃醬，可以唧條紋，落埋鰹魚碎同海苔碎就攪掂，而個年糕就要先煎左年糕，然後先落材料，後來再加左個麵，食得好飽，味道都OK，不過值唔值得等咁耐，就見人見智！
沒有留言:
發佈留言