又去東京了，雖然是今年第一次，但上次只是十二月的事，今次原本想去東京加北海道，一來價錢比較貴，二來朩唔夠時間 plan ，因為未試過自由行撘內陸機，有諗過坐新幹線，但價錢較貴，而且是直達函館，不停札幌，所以選擇只去東京，今次搵左兩、三個地方係未去過的，就去睇下！
今次在 HK Express 訂了機票，早前做特價，每程$551，不過加埋稅、行李、揀位費、保險，都要$2300，其實一D都唔平，比多少少可以坐國泰！真係要特價到幾十元先叫做平！
一早起身出門，天都未光！5:50am 去到巴士站，巴士A29由寶琳開出，15分鐘左右便到站，睇住機場巴士網站的到站時間，都好準時到，坐今日開出的第二班車，都唔太多人，六個行李架有四個放左行李，仲有位放行李，上次坐E車，冇位放行李，好唔方便！
行車時間用了40分鐘到達二號客運大樓，去 P 區 check in ，去到見到最多人果度就係，分左三條隊，優先（要比$65唔使排隊）、網上登記同埋未登記，我在網上登記了，條隊大約15人，排緊隊時見職員搵D仲有一個鐘起飛的乘客，搵到就比佢地優先，如果食完早餐先慢慢來，等到仲有一個鐘就可以優先了！慳返$65！不過就算排都好快，用左7-8分鐘就攪拌！過返去 T1 食早餐！
去我最喜歡去的 Spaghetti house，平時不怎麼去，但喜歡去機場呢間，坐得舒服，冇乜人，去到未開，要等多15分鐘，原本想去翠華，條隊好長，都係等 Spaghetti house，去下廁所，行下 Disney store，好快就夠鐘，入去時有另外兩枱一齊入，幾乎包場！叫了煙三文魚奄列和橙汁，今朝好肚餓，食飽就預備登機！
閘囗是523，去到閘囗才8:00，有排等，這邊是要坐巴士去停機坪那種，我才想起上次去北海道是坐 HK express的，其實最唔鐘意就係要坐巴士呢種，不過要平D就係咁！我第一個排隊，第一個上車，所以有位坐，車程唔係咁近，到左亦要分批上機，架飛機門寫住"春卷"大概係飛機名吧！飛機只有兩邊坐位，每邊三個位，我揀左窗囗位，貪佢可以挨住瞓，未起飛已經瞓著了zzzzzz
飛左三小時四十分就到，細機唯一好處係飛得快，大機最少四小時，到埗後先過關，再去洗手間，出來取行李，等左幾分鐘先到！一出酒關去攞 SIM card 先！最近推出左5天免費 SIM 比港、台旅客，只適合 iPhone 使用，首先要 download 左個 apps 先，搵左WAmazing 呢個 app，用 email 登記，仲要比信用咭號碼，原本見到要入信用咭，想唔裝，因為張咭包500MB，如果追加 500MB，要¥999，大約六十幾元港幣，平過買 Data SIM，但係今次去六日，究竟買張 data SIM好，定用免費SIM 用少一日呢？最後因為 Data SIM 得5日或8日，所以決定買張5日，再攞張免費，各用一半，睇下有乜分別？登記完之後，Apps 有教點做，首先，去到入境大堂，搵佢地部機先，我在 T2，應該一出來轉左，行去A lobby 果邊，開頭我行晒兩邊先搵到，因為部機比想像中細，而且比扶手電梯遮擋左，最後都係左邊過左兩條扶手電梯先見到！打開 apps ，去到尋找 sim 咭果頁，出左 QR code ，去部機度 scan一下，然後在左邊眾多個有紅燈的掣度，是但按一個，盒 sim 咭就會好似汽水機咁，跌盒 sim 咭出來！攞左 sim 咭之後，在 apps 度按"安裝描述檔"，就會自己 run，跟住在手機上按安裝，裝完檔案就入張 sim ，記得關左 wifi 先，然後在 apps 按"開始利用 sim ，再行多十幾秒，攪掂！裝好之後可以在設定入面的流動數據睇下用左幾多，又或者入去 apps睇，佢會幫你倒數，如果追加500MB 可延長5日，兩個計算用量的方法，數字上有差異，當然以 apps為準，因為用 apps收你錢！
整完張 sim，揾車去 outlet，找到 outlet 巴士站是13號站，下班車14:48pm，仲有幾分鐘，太好喇，唔使等咁耐！上車入錢¥350，比¥1000自動找續，最欣賞日本呢様野去到 outlet 3:13pm，耐左D，去到先行 Wedgwood ，見到D碟幾靚，再去 LC睇下，依家做緊粉紅系列 promotion，有櫻花煲，今次想買 TNS，唔買28cm 煎pan好定30cm 炒鑊好，睇完一圈，去食D野先，好肚餓，去返上次果間食意粉，叫左意粉同薯角，D薯角幾咸，飲晒杯橙汁仍未解渴，要再飲水！
食完野去買野，買完 Wedgwood 再買 TNS鑊，都係買鑊，唔買個玻璃蓋，太重又驚打爛！買完趕去追稅，下班巴士返機場仲有十幾分鐘，好在退稅唔多人，趕得切，巴士剛埋站，要等夠鐘，成架車得三個人，回程只需15分鐘，去返 Terminal 2，跟任就落去B1買 NEX車飛，NEX 冇乜人撘，但係巴士就大排長龍，巴士好處係有人幫你搬行李，如果你住果間酒店在巴士站附近就更好，缺點就係等太耐，排隊買飛，排到你通常搭唔到最近時間果班車，下一班車都等半小時或以上，車程又可能因交通情況延遲，火車就一定最近果班車，除非得返幾分鐘，缺點係要攞住行李，行樓梯上路面，而且貴D，我覺得到埗果程問題唔大，因為行李好輕，走果陣就麻煩D！5:50pm去到售票 counter，買左來回套票¥4000，全車指定席，下一班車18:19pm，仲有時間，售票同月台好近，可以慢慢買下飲品，慢慢行，上左車好快又瞓著左，以前冇乜人搭，可以挨後瞓，瞓左半個鐘，醒左唔瞓喇！驚今晚瞓唔著！
去到新宿已經19:43pm ，由新南口出，因為要趕去高島屋買水果！佢地收8:00，衝落去地庫，不過冇乜水果喇！買左兩個柑，同埋一個壽司。買完佢地都準備關門喇！
行返酒店都幾遠，今次住 APA，在歌舞技町附近，都算近，當然冇上次住太子洒店咁近，以前住過 Kent hotel ，即係依家既 Hotel Wing，而 APA 就在對面，住呢間酒店因為貪佢平得來，又有溫泉！check in 同平時D洒店咁，佢比左張門咭你，再去一部機度，入張咭之後，問你要唔要早餐券，然後先比房號碼你，今次住24樓，呢間酒店係井字型，即係每間房都係對住欄杆果種，放低行李，食埋壽司，就出去行下，去左藥房同驚安殿堂，呢間冇大阪果間咁好行，又少野買，行左一圈就走，返酒店前去左7-11，買左兩支梅酒同埋一包薯片，返去浸溫泉先！
溫泉係人做溫泉，嚴格來說係大浴場，先返房除低衫，著浴衣上去28樓，呢層只有大浴場同製冰機、微波爐，分左男女湯，要用房咭先入到，一入去放低拖鞋，剛好有6-7個人走，裡面有 locker，有大、細兩種，大果個好似冇咁安全，細果個好細，如果好似我淨係帶毛巾同房咭，又或者帶埋電話同銀包，都放得入！今晚唔多人，只有5-6個，放低野去冲涼，有三、四個冲涼位，浴池在室內有一個，好細，最多8-10人，浸左一陣，去露天浴池，呢個再細D，我諗最多6個人左右，不過另外有一個圓形陶缸，只可以浸一個人果種，剛好只有一個人在大池，我當然去陶缸，浸到出晒汗就走，冲埋涼，返房就唔使再冲，返去食埋兩個柑就睡，好累呢！
沒有留言:
發佈留言