又有好友生日飯局，今次壽星揀地點，佢揀左旺角新世紀呢間小南國，個人覺得呢間貴得唔係咁好食，所以幾年前去過之後已經冇去過，不過壽星揀就去啦！
原本八位，有一個臨時有事冇到，去到竟然比張十二人大枱我地！可能市道唔太好，都仲有好多位，我地叫左幾多野食，叫左冷盤、四季豆、松子魚、叉子燒餅、雲呑雞、嫩雞煨麵、上海粗炒、東坡肉、豬手、紅油炒手，食到好飽呢！不過食物質素沒改善！食飽飯都差D唔記得仲有蛋糕呢！呢度切餅費要$100呢！
今次壽星仔帶左佢個BB，成晚同佢玩，好閞心，呢班朋友中有四個小朋友，兩個女孩已上小學，一個男孩剛上幼稚園，一個男BB，七個月大，仲好乖，幼稚園的男孩就好難攪，被縱慣了，稍有不滿就吵吵鬧鬧，我地都怕左佢，希望細呢個唔會啦！
沒有留言:
發佈留言