終於等到新年 promotion 喇，第一日就去睇下，入園前例必食野先，去青衣城食飯，都食到熟晒！今次去 Pokka ，因為諗起佢果杯北海道牛奶咖啡，食完飯就入園，在地鐵站見到旅行社，去望一望D package 資料，預備三月既行程，睇睇下都晏左入園！
今日係樂園新年promotion 既第一日，樂園已經換晒新年裝飾，當然離唔開馬既裝飾，因為巡遊快要開始，我地匆匆走去小鎮大街商店，睇下有冇新產品，見到有 Valentine Duffy 同去年果隻一樣，是手持玫瑰的小 Duffy，不過這批貨的車工也太差了，幾乎每隻 Duffy 的雙眼是不對稱的，或嘴部車缐是斜的，實在揀不上手！還是先去睇巡遊，待晚上再看有沒有賣出這些再補新貨！
巡遊需然看過很多次，但巡遊歌曲是最好氣氛的，這是唯一比日本迪士尼好的！睇完巡遊，就去灰熊山谷，然後去玩迷離大宅，今天頗多人，排隊排到室外，不過人龍雖然長，但走得很快，好快可以玩！今天的列車行到中國一段時，見顯示屏幕有一邊沒有運作，令熊貓飛走的一段減短了！玩完迷離大宅就去睇4D，睇完又去商店看看，見另一批 Duffy 看來好一些，所以揀了一隻，我自己沒有買，因為已經有同樣size 的 Duffy！
買完野出來已經夜了，便乘地鐵去圓方食晚飯，在車上才發現一隻小Duffy !!!
沒有留言:
發佈留言