滿屋

 中秋前夕迎月夜，去銅鑼灣湊熱鬧，時代門口做緊電影 Frankenweenie  宣傳既公仔擺設，好 Tim Burton 既黑色電影做型，這晚人不算多，可能D人去左維園果邊多，影左一陣相，就去食野。

今次去銅鑼灣廣場二期果間滿屋食日式放題，門口冇人等位，我地一早訂左枱，所以點都有位，入到去見D位都幾迫，好多人好嘈，去親日本放題都係超多人！睇睇點菜紙，食物既選擇唔算少，最多人叫既刺身、壽司、手卷、燒物、天婦羅、拉麵等，都係D大路野，食物質素和選擇不及上次中環果間松屋好，連雪糕都只係 Dairy farm ，仲要只可以點一次！我地張枱個area 有一班廿幾人既年輕人，到 last order 時，玩到癲晒非常嘈吵，附近幾枱人都比佢地嘈到完全傾唔到計，直係滿屋嘈音，唯有匆匆埋單走人！

呢餐食得太飽，所以在附近行下，行左去維園，呢度有彩燈會，可能未到正日，好多燈都熄左，只有街燈照明，唔用閃燈都可以影到相既，行左一陣先冇咁飽 !