越華會

今日開會都幾無癮，anyway 食返餐好既！去到銅鑼灣，順路睇吓華記永昌號有冇乜嘢新貨，見到冇乜特別，就行過去鵝頸橋食飯，去到越華會，見門口都有d人在等位，我地無訂枱，等左半個鐘就有位，其實呢度好細，大概有十零張枱，印象中好似曾經來過這裏食飯。

見到餐牌上既選擇都唔少，有好多係海鮮，小菜都好吸引，樣樣都想試，先叫了椒鹽炸豆腐，好好味，豆腐外皮香脆，不會有厚厚的炸粉，因為椒鹽過，很乾身，但裡面又熱又滑，一口 size ，吃時要小心熱！豉椒炒蜆，好香，d 蜆新鮮無砂，只是份量少，之後再叫了油鹽水蜆，都好味。這裏有幾款雞，選了葱油雞，在整隻雞的表面舖滿葱油，隻雞好好味呀！仲好多肉，但唔肥！正 ~~~~ 跟住叫左蒜香骨，椒鹽田雞，黃金蝦，椒鹽鮮魷 (又係椒鹽！)，炒菜，最後是豉油王炒麵，d 麵炒出來不會油淋淋，好好味！下次一定要再來！

席間，談到上週，公司有人猝死！雖然素未謀面，但據知他才三十多歲，來得突然，連一句說話也沒有機會留低，真令人震驚和婉惜，願他安息，希望大家要珍惜生命，留意健康！