霸王山莊

好多次坐車經過呢間霸王山莊在荃灣的分店，都想去試試，不過京川菜要多幾個人去先可以食得晒！上個禮拜Howard想去沙田食片皮鴨，於是約左幾個人一齊去，點知訂唔到位！於是改左去呢間，我地book唔到沙田，改去尖沙咀，阿達凖時到，我地就足足遲咗半個鐘！要佢呆等！

我要食醉雞！先來個醉雞！佢哋個醉雞用一個壺裝住，好似好細個，其實都唔少！味道唔錯，只係我覺得酒味不夠濃！冷盤有青瓜，燻魚，茄子，醉雞 (again!) 等等，不過不失！主菜有片皮鴨兩食，松子魚，東坡肉，炸銀絲卷.....片皮鴨配兩籠"皮"，這皮很薄，雖然很熱，但因為薄也凍得快，夾完鴨片，青瓜，醬料，包埋，凍晒！不過都好好味！食埋東坡肉都飽！個東坡肉就唔太理想，總覺得瘦肉既部份唔太入味，果松子魚都一般，可能我地太飽了，吃起來便不覺好味了！

席間，講到買樓和供樓問題，大家都討論供樓年期應長或短，較年輕的覺得該供長些，可以供細份些，慢慢供，已有家室的認為要趁年輕供大份些，快些供完，免得將來退休仍要供樓！大概是過來人的心聲吧！而年輕人總想花費玩樂吧！