海南少爺

海南雞飯一向都係我既喜愛，有幾次想去試吓，但係去到銅鑼灣就忘記左！最近這店在尖沙咀開了分店，諗住可以近些，反而呢日去開銅鑼灣就過去試了！

位處世貿中心，有些坐位向海景，面對避風塘，個view幾好。店裏除了最出名的海南雞飯外，就是一些星馬食品，有肉骨茶，喇沙等等，他們的海南雞起晒骨，啖啖肉，轉雞脾加$8，不過起左骨既雞脾，好似扁好多！好似好細隻，跟餐有個茶壺湯，茶壺裝住既中湯，同一碟菜，除此之外，當然要試吓肉骨茶，好濃既當歸味，入口卻淡了點，肉骨茶附上油炸鬼，另外叫左士多啤梨骨，老實講，唔好食！見有咖喱配薄餅，但係唔想食咖喱，淨係想食薄餅，所以叫左淨薄餅，都幾好食，熱熱地，咁多野食，食到好飽，仍想試甜品，所以叫左班蘭布甸試，班蘭既味唔係人人鐘意，我唔係特別喜歡，只係想試吓，味道都可以接受，下次再食過！