今日係虎虎生福個promotion第一日開始，超多人入場，大部份係國內同胞，在promotion期間增加了些節目，有吉祥醒獅賀新歲，即係醒獅表演，有一紅一金的獅，在小小梅花樁上採青，雖然醒獅好多時都有得睇，不過呢兩隻既動作比較可愛些！而且好多動作都好敏捷！另外有迎福跳跳鼓，在城堡前的圓形花園，改成圓形舞台，上面有多個鼓，表演人員打鼓時，舞台的四邊有中國雜技表演，米奇就一齊表演打鼓，跳跳虎就在台中間的彈床跳起來，一路有各種雜技表演，完場時像金裝米奇一樣大灑紙條，氣氛相當熱烈，看表演時還見到三個穿和服的日本女子，好多人想同佢哋影相，佢哋都拒絕了，我諗如果佢哋肯影就慘啦！肯定變左景點！有排比人影！
睇完表演，就去睇4D，超多人，係超多同胞，佢哋打尖，推撞，冲入場，霸位，大聲叫，好得人驚！我地都估到佢哋實係未睇過，好大反應，好好笑！
睇完4D就睇龍騰鼓舞迎福陣，其實係parade，有舞金龍，中國舞，當然仲有財神做形既高飛，同米奇啦！睇完表演就去左corner cafe食飯，食完飯去shopping，我地買左Kelly設計果個袋！之前見雜誌介紹Chanel個cocoon袋，已經好鐘意，呢個袋個款好似cocoon，我就買左個黑色細既!買完袋，就去睇煙花，之後曬埋相就走喇！
沒有留言:
發佈留言