岡田咖啡

食完烏冬行過少少就係岡田咖啡，兩間都係板前個集團，去到呢邊好靜，連理我地得兩枱客，可能過左午饍時間吧！

因為食左烏冬，唔太肚餓，只係叫甜品食，甜品既選擇唔太多，主要係咖啡，有多款選擇，我地叫左招牌岡田咖啡試試，都唔錯，香得來唔會有苦味，較為mild，蛋糕有三四款，我地叫左一件士多啤梨蛋糕同蕃薯栗子蛋糕，另外再一人一個牛奶布甸，個士多啤梨蛋糕係呢間店既重點推介，所以試吓，蛋糕部份好軟綿，忌廉唔太甜，不過士多啤梨又少又細粒，蕃薯栗子蛋糕都係小甜，好啱我食，之前去北海道食過好好味既薰衣草牛奶布甸，而家食呢個布甸當然差少少，不過都好滑，只係奶味無咁濃，都好食既！