都有一段時間無去尖沙咀,今日有返d陽光,就去尖沙咀行吓,出到去都幾熱,沿住海防道行到新港中心,己經身水身汗,去到新港中心,見仲裝修緊,樓下就裝修好,開左間GOD,food court由City Super 變左大食代 food repuplic,一樣係有好多間唔同既食店,我見有一間叫做新加坡的主要賣海南雞飯和燒雞飯,和小量小食,他們的雞都像燒味店一樣掛了出來,我見d海南雞幾靚,而d燒雞睇落d皮好似'淋"晒咁,我就叫左海南雞飯,佢地有兩個價錢賣$28下午茶餐同$50正價餐,貴d既餐有菜同埋多d雞,我見個個都食下午茶餐抵食d,但係我想食菜,所以揀左正價餐,個女師傅切左雞脾比我,hehe.......!個雞都幾好味,個油飯都唔錯,個湯好重藥材味,有d似肉骨菜果d藥材味,anyway我都食晒飲晒!好飽,早知食下午茶餐,就可以食埋甜品!!!!
食完去GOD行左一陣,依家GOD好似賣家品多過賣傢俬,我見到本簿想買,但係好重,所以無買,我見到個曱甴書簽呀!仲好似係實物原大tim,好得人驚呀!
沒有留言:
發佈留言