好多年無去廟街食野,本來諗住去食亞龍咖哩,但係好多人等位,行過賣海產既食店,見有位就去食,好耐無食呢d貝殼類海產,驚會腸胃炎,以前响尖沙咀返工,好多時同Maggie去食,今日再去都有d擔心,我地叫左蒜蓉蒸蝦,白灼東風螺,炒蜆,炒青口,蒸貴花蚌,全部高危食品,係d蝦食得放心d,其它都好味,連埋飲野都要四佰幾蚊,都幾貴,我見有好多遊客食,好熱鬧,食完野行廟街,見到賣既野同我响上海果d旅遊區果d幾乎一模一樣!甚至多d選擇!!行到甘肅街見到雪糕車,我有朋友做過便利店賣軟雪榚,佢話好多時懶洗機,所以d雪糕漿入口位係好dirty ,攪到我唔敢食,所以我食甜筒,食住行,無咁熱,今日天氣好悶熱,睇怕就黎落大雨! 聽日仲話去BBQ, 唔知去唔去得成?
沒有留言:
發佈留言