Café Épure x fancl

今日又去high tea ，book咗呢間餐廳，之前來過兩次，覺得佢地質素唔錯，雖然佢地在港威果邊開咗分店，都係比較鍾意海洋中心呢間，下午茶時間冇乜人，個個都係食下午茶，餐牌基本上有兩款set 選擇，食物大致上係一樣，平D果個set有埋scone，貴D果個就有香檳但係冇scone，而平D果個set亦都可以加錢換香檳，不過我想食 scone，所以叫咗平D果個！

見個下午茶甜點比較多，咸點大致上同之前食嘅差唔多，甜品就做咗好多化妝品裝飾，例如唇膏型的朱古力，今次覺得佢地嘅食物退步左，甜品亦都做得好甜，所以我地都食唔晒，呢個set 有一份 fancl 卸妝油試用裝送俾客，不過每一個set只送一份，其實二人 set 應該送兩份先啱！食完野就去攞禮物！見到好多國內人在購物，我地攞完就走，冇買野，因為買得唔多都費事阻住人做大生意！

鹿角巷

早前尖沙咀開咗呢間台式飲品店，剛剛開的時候很多人，門口一大條人龍，所以一直未有機會是試，今日行過見到只有幾個人排隊，所以就去時事，其實本身對奶茶興趣不大，原本想試佢既光飲系列，但係兩款都賣晒，佢最熱買嘅飲品好多都賣晒，原本想試檸檬蜜香蘆薈，又話冇晒蘆薈，最後買咗杯青檸番石榴，都好快整好，味道都OK啦！對比其他台式飲品好D！

奇妙處處通「反轉迪士尼」晚會

尋晚偶左成晚，今日瞓醒好咗好多，因為一早約咗好友今日去迪士尼，希望可以盡量去到，點知好友忘記咗，夜晚又約咗人食飯，咁就不如淨係入去一陣，點知好友個飯局又取消左，我地就可以慢慢玩啦，入到去都係兩點幾，先去涼下冷氣，然後去玩 Iron man，今日唔係好多人，排隊入得好快有得玩，好友的男友第一次玩，佢覺得好正，想玩多次，我地話玩埋其他先再去玩，跟住去咗玩迷離莊園，直情唔使排隊，冇人玩！玩完出嚟買咗少少嘢食，佢哋食我就冇食，因為我無胃口食唔落，跟住佢哋又玩灰熊山谷，我就響出面等佢地，嘗試幫佢地拍片，不過郁得太快都影得唔清楚，跟住再去排危機次元任務，原來係同一D英雄人物一切完成任務，所謂任務其實都係企喺度聽佢他講，冇實際互動，不過佢地D9佈置場景都整得好靚，睇完出嚟都天黑喇，跟住再去睇夜間萬聖節巡遊，同舊年果個一樣，只係多咗烏蘇拉！睇完即刻去排詭迷宮、詭夢實驗室，呢度只限登記左嘅會員先可以玩，同舊年果個都係差唔多，不過驚嚇氣氛重咗，裏面有好多個房門，冇人話俾你知開邊個們，大家都戰戰兢兢咁去開門睇下，氣氛都幾好，睇完出嚟放緊煙花，睇完煙花當然係最多人離開啦，但係今日係會員試玩日，會員可以留低玩到十點半，我地去咗中菜廳食飯，應該話佢地食飯，因為我食唔落！食完飯我地再去玩Iron Man ，基本上得幾個人玩，我地連續玩左兩次，之前坐第一行，後來坐第四行，發覺坐後面係搖晃得比較勁，下次都係坐後D！跟住再睇玩埋4D先走，好少玩到咁野玩到咁盡！今日完全冇買嘢，因為上次已經買咗，都冇乜特別新野出！

金滿庭

約咗好友去九龍灣食飯，都好耐冇去過九龍灣喇，去咗呢間京川菜館，上次同朋友去銅鑼灣時代，已經想食，後來去咗打邊爐冇食到，今次見九龍灣有分店，所以就去呢間食，我今日遲咗少少，佢哋已經到晒，今日唔齊腳，得五個人，我哋都叫咗幾多野食，當然唔少得小籠包，另外叫咗糖醋魚、乾煸四季豆、螞蟻上樹、上海粗炒、生煎包等等，成晚傾計講是非，大家又講下依家各自工作上面嘅嘢，好好笑，傾到人地攞張單埋嚟俾我地埋！先想起叫侍應攞蛋糕出來，同壽星女切埋蛋糕先走，大家都好有心，已經約定我下個月同我食生日飯，好朋友就係你估唔到佢係有幾咁記得你幾時生日！（＾_＾）

預訂民宿

我們第一次訂民宿，用咗最多人用果個App，search 左幾間位置近難波大站，仲要睇埋個日期有冇房，仲要睇額外收費，例如清潔費、服務費，仲有睇check in check out 時間，同房東溝通都唔係太容易，因為有D房東係日本人，個app可以幫你翻譯，翻譯出嚟個意思有少少似 google translate ，比 google translate 好D，大致上都明白講乜嘢，我地心儀果間屋，地方好大，可以着11個人，見位置在大站下面，都幾近，但係同屋主溝通嘅時候，佢第一句就問，距離大站要步行20分鐘ok 嗎？原來佢係近住 Ashiharabashi 芦原橋駅，位置距離大站真係好遠，推住行李步行20分鐘實在太遠了，所以我地都係轉第二間，第二間位置都比較好，但係日期就唔啱，跟住又搵第三間，有朋友住過話位置都OK ，點知日期都係唔啱，搵到第四間，見到日期啱，房東仲有地圖提供，知道實際位置響邊度，咁就免却大家誤會啦！於是同房東溝通，房東又話有人早過我地想訂同一個日期，佢話再confirm對方係咪訂先，如果佢地唔訂就接我地訂單，諗住如果都訂唔到呢間，唯有定返酒店啦！

好彩過兩日房東都回覆我地，話可以留俾我地，終於成功訂到我地第一次住民宿啦！民宿就冇拖鞋供應，亦都冇牙膏牙刷，沐浴露同洗頭水都唔係間間有，不過價錢平，唯有自己帶去啦！

Café 103 x Qeelin

一個月前見到呢間餐廳的宣傳，定位都要等成個月，終於等到今日，都有一段時間冇去 Ritz-Carlton ，上到去未夠鐘，等一陣好快可以入座，人唔算多，眼見大概都係10枱左右，我地被安排坐窗邊，上來呢度當然個景好重要，不過呢度窗邊嘅位置都比較少，而且個View 亦都唔係最靚，不過都起碼叫做有D view，餐牌只有一個 afternoon tea set ，飲品就有好多選擇俾你揀，當然大部份係茶啦，我地揀咗一杯 signature 朱古力同埋一個 "Weekend of Hong Kong" 茶，坐一陣先上 scone，平時好多 afternoon tea set 都會跟每人兩個 scone，呢度只係跟一個，味道都唔錯，tea set 方面，咸點有煙三文魚泡芙、燴豬肉迷你漢堡、黑松露蛋沙律牛角包、忌廉雞肉牛肝菌酥，而甜點方面，就有朱古力紅桑子馬卡龍、栗子抹茶泡芙、椰子熱情果忌廉杯、朱古力千層蛋糕，今次係聯乘 Qeelin，所以好多造型都係跟返品牌嘅設計，例如胡蘆型的朱古力，熊貓造型的甜點，造型唔算好靚，不過佢都送返少少紀念品，要去返佢地門市攞，當然在圓方有分店啦，我哋食完野就落去攞紀念品，係一黑一白的記事簿仔，當然你去攞紀念品的時候，售貨員都會a ell下你，雖然佢地D係好靚，不過價錢我就負擔起喇！但係售貨員值得一讚，雖然我地冇買嘢，佢地由頭到尾都好好招呼，如果有錢，一定會去幫襯佢地！

飯局作客 - 東頭邨

上次食飯原本慶祝好友同佢個仔8月生日，但係食切蛋糕嘅時候忘記咗好友生日，以為淨係佢個仔生日，所以夾錢食飯果陣，冇扣到壽星女果份，今日補返壽星女同佢老公七月生日果餐！

上幾次都打邊爐，今次煮餸 唔打邊爐，買咗條斑清蒸，花竹蝦蒜蓉開邊蒸，韭菜炒牛肉，豬頸肉炒青瓜，梅子蒸排骨，好家常小菜，有兩位大廚下廚，幾個女人淨係喺度傾計 ( ◠‿◠ )，兩個大廚就煮到身水身汗，香港的女人真是太幸福了！

幾個簡單嘅餸，但係煮得好好味，我哋清晒所有嘅餸同埋所有嘅白飯，因為實在太好味，個個都食到好飽，當然永遠都有位食甜品啦！我去咗Tony Wong 果度買咗個蛋糕，夜晚去買竟然比我買到士多啤梨拿破崙！之前食過一次大家都好回味，好友的男朋友話未食過好食嘅拿破崙餅，所以好想試，因為今日佢哋先通知我叫我買蛋糕，係訂唔切嘅情況之下，就咁what in 都買到，整定大家有機會再食！之前食親蛋糕個個都話好飽要細舊D，今次我哋全部清晒，個個都話個蛋糕好好味，食得好開心，食完蛋糕仲有西瓜，不過西瓜雪得唔夠凍，而且唔夠甜，可能我哋食完甜嘅蛋糕覺得佢唔甜掛？

食完蛋糕好友一家走先，因為小朋友聽日要返學，剩返我哋三個喺度商量，10月大阪之旅的安排，我地 search 左一輪酒店同機票，最後今次決定窮遊大阪，住民宿！

出貓特攻隊 Bad Genius

劉蓮係資優生，學科成績都好好，父親本身亦都係一個教師，兩父女相依為命，生活貧苦，但父親以她的成績為傲！她轉校之後認識了明詩，兩人成為好朋友，明詩的男友柏豪出身富裕家庭，但兩人成績都不好，明詩希望入到戲劇班，但考試成績要娶到一定的分數，才可入到劇團，所以劉蓮幫她補習，到考試的時候，劉蓮為左幫明詩，將答案寫在擦子膠上，暗中傳給明詩，令她能成功取得好成績，並順利進入劇團。劉蓮與另一同學賓一同代表學校參加比賽，賓憑着強勁的記憶力，與劉蓮取得好成績，為學校爭光。栢豪得知上次劉蓮幫明詩出貓後，建議劉蓮幫他和自己的幾個朋友出貓，並願意支付費用，劉蓮想到辦法可以一次過幫幾個人出貓.........!

印象中冇乜睇過泰國片，但係呢度都拍得幾好睇，首先幾個主角都唔係好似泰國人，可能印象中泰國人都係比較似菲律賓人，幾個主角都有D似華人，電影題材比較啱學生，加上暑假檔期，票房當然理想，故事發展亦都令人期待會到底會有怎樣的結局呢？出貓計劃好周詳，出貓嘅過程都好緊張，雖然兩個多小時的電影，睇起上嚟都唔覺得有咁長，因為中間都冇冷場，成套戲有笑有淚，結局發人深省！