約咗好友去九龍灣食飯，都好耐冇去過九龍灣喇，去咗呢間京川菜館，上次同朋友去銅鑼灣時代，已經想食，後來去咗打邊爐冇食到，今次見九龍灣有分店，所以就去呢間食，我今日遲咗少少，佢哋已經到晒，今日唔齊腳，得五個人，我哋都叫咗幾多野食，當然唔少得小籠包，另外叫咗糖醋魚、乾煸四季豆、螞蟻上樹、上海粗炒、生煎包等等，成晚傾計講是非，大家又講下依家各自工作上面嘅嘢，好好笑，傾到人地攞張單埋嚟俾我地埋！先想起叫侍應攞蛋糕出來，同壽星女切埋蛋糕先走，大家都好有心，已經約定我下個月同我食生日飯，好朋友就係你估唔到佢係有幾咁記得你幾時生日！（＾_＾）
沒有留言:
發佈留言