Love ダッフィー

星期六, 12月 26, 2009

Sanrio & Disney

網誌日期：2009-12-26 01:16

話咁快就過咗三個禮拜，上次去迪士尼已經係十二月十號既事，果次我同Flora同埋崔崔一齊去，我地先去青衣城食野，果度做緊Sanrio，有好多Sanrio既公仔比人影相，我影左我比較喜歡既布甸狗同埋佢後面既假蛋糕，都幾靚.

影完相先入去迪士尼，一入去見到米奇老鼠同米妮一身聖誕做形，好多人排隊，我地無排到，反而行過時啱啱佢哋經過，可以近距離影返張相！

今次見好多新做形既公仔，有d都好可愛，而今次主題係小小世界，入面多左d聖誕氣氛既佈置，同埋有人唱live聖誕歌，我地因為睇金裝米奇而miss左今次聖誕主要在大街做既表演tim！

星期五, 12月 25, 2009

又到聖誕節，一年好快又過去，今年聖誕很快樂，也收到好些禮物，雖然氣氛不是很熱鬧，但天氣較冷，才像過聖誕，收到禮物還是感到特別窩心，最喜歡的還是這個Hamper, 大大的一盒，裏面裝滿温暖，有我喜愛的蝴蝶酥，曲奇餅，聖誕薑餅，玫瑰花茶，紅酒，還有一大一小的黑色Bear bear 熊，大的那隻還掛了Agnes b 的頸鍊呢！另外，我還收到相架，朱古力，飾物盒...............很感謝各方好友的心意，在這聖誕為我帶來窩心暖意，thanks ~~~~!

星期四, 12月 24, 2009

Avatar 阿凡達

阿凡達是鐵達尼號導演占士金馬倫 (James Cameron) 籌備及製作14年的最新嘔心瀝血傑作，一直被受國際電影業界及億萬影迷高度注視，預料上映時將會破盡紀錄，經典定必再生現.
長達161分鐘的3D電影,故事講述殘障的退役海軍Jake 因當科學家的孿生哥哥被殺而獲派替代其工作,他對科學毫不認識,只因同樣的基因和腦部結構而受派到星球Pandora工作,他要做的就是睡在一個機艙內,透過腦部傳送思想到一個基因培植Avatar的身上,控制他的一切,他感受到再有一雙腿的感覺,當他離開機艙時,那個Avatar的軀殼就像昏迷了一樣,他被派與當地土著Na'vi交往,目的要深入了解土著森林的內部結構,目的要强行摧毀他們的樹林,他要穿梭兩地,兩種身份,疲於奔命,漸漸地他融入了土著的生活,面對兩面敵對的關係,他亦要作出決擇........

電影的大量CG特技,創做出非常美麗的森林,加上3D立體,令人驚嘆,亦喚醒人對大自然要好好珍惜,此外森林裏所有生物,包括動物和植物都有獨特的設計,相當精細相當漂亮.

Panettone

網誌日期：2009-12-16 01:03

每逢聖誕節都有意大利水果蛋糕Panettone賣，記得幾年前收過一份禮物籃，入面有一盒Panettone，都係紅色盒既，果個Panettne好好味，之後都揾唔返，買其他既牌子都無咁好味，前幾日見超市有兩款細盒裝賣，就買左返嚟試，味道都OK既，當然無之前果隻咁好食，而且紅色盒呢款既橙味較重，搶左蛋糕既香味，而橙色盒果隻香味就比較無咁濃，清淡小小，等我再去揾吓有無其他牌子試吓先，通常呢d蛋糕在聖誕節後都會減價清貨，到時就可以趁低吸納！

BLT burger (Bistro Laurent Tourondel)

這幾天軆都有點不適，都沒甚麼精神upload個blog，今天好了點，只是喉嚨痛，相信過兩天會好些！

上星期出去尖沙咀tea, 去左新開既BLT Burger, 之前去Stone Grill 既時候，已經想轉去BLT steak，最後都無去，依家開左呢間賣Burger既小店，見佢新開就去試試，可能係新開，都有唔少飲食記者在做訪問和拍照，餐牌上主要得Burger , fries, side dish,beverage ，不過Burger既選擇都有好幾款，店員推介雞漢堡同蝦漢堡，我地都係揀左出名d既牛牛，好味道！個Burger都幾大個，連埋Fries 一set叫$128，fries 都有幾款選擇，再叫埋杯咖啡，feel good !

星期三, 12月 23, 2009

茱莉對茱莉亞－隔代廚神 Julie & Julia

網誌日期：2009-12-02 00:48

故事講述兩個相隔半個世紀的女廚神,透過同一本食譜,同一樣的大無畏精神,烹調出她們的精彩人生.........Julia Child 在50她只是個跟隨丈夫到法國巴黎定居的小女人,性格樂觀,愛吃愛烹調的她,因為無兒無女,閒在家裏,好想學法國菜,但係法國無英文版的法國菜食譜,後來她決定去跟一班男廚師學煮法國菜,她以出色的廚藝加上大無畏精神,出烹飪書,上電視教煮餸,更成為廣受觀眾愛戴的一代女廚神。相隔半世紀,年近三十的中女Julie,身邊好友個個出人頭地,自己就只是一個小小公務員事業無成,同樣愛煮食的她是Julia Child的fans, 在丈夫提議下,决定來個谷底反彈,展開了一個有點神經質的翻身計劃,在365天內根據JuliaChild的烹飪書食譜烹調524個菜式,再於網誌撰寫經驗和心得,她在支持與反對聲中,及在成功與失敗當中,仍堅定不移地要完成這一年大計,當中有笑有淚,在這寶貴的經驗和過程中,她發現人生中最大的成就,原來不一定是名與利,而是能與最愛的人共享生命中的每一頓美食.......!

雖然唔知Julia Child 係點樣既人,不過相信梅麗史翠普很努力模仿她的言行舉止和口音,兩個女主角都是我喜愛的演員,加上題材較新穎,有點似"緣份兩面睇",兩個故事互相交替,我個人覺得好睇.

3D 魔幻聖誕頌 A Chrismas carol

網誌日期：2009-11-22 00:23

故事講孤獨又孤寒的獨居老人Scrooge,如常渡過他冷寞的聖誕節,每年在這個普天同慶的佳節裏,都只有他的姨甥和忠心的助手,相伴在他的身邊,這都是因為他平日那種吝嗇而且刻薄的壞脾氣所致,令他身邊所有親友都視他如怪物,在他拍檔去世七年後的一個平安夜,有三隻分別代表『過去』,『現在』以及『未來』的聖誕精靈到來造訪,帶領他走遍童年及現代,要令他重新認識佳節背後,那個經已被遺忘的真正意義,令他珍惜所擁有的一切,令他明白佳節的意義,就是教人傳遞愛..............!

原以為合家歡的笑片,其實唔多啱小朋友,話明係"驚笑鉅獻"真係驚多過笑,一開始就影住佢拍檔條屍個樣,加上3D又真係好"突出",佢拍檔既鬼魂現身果場戲,3D加强勁音效,真係好有鬼片feel......主角重返童年和目睹年輕時自己的改變,令他非常後悔,而預見自己去世,更令他悔不當初..........占基利的招牌攪笑表情,配合3D特技,是最惹笑,全片的特技做得好細膩,好靚,此外,主角的經歴,提醒我要珍惜所擁有的一切,關愛別人!

吸血新世紀 2 新月傳奇 The Twilight Saga: New Moon

網誌日期：2009-12-23 01:15

故事講述在人類和殭屍之間的愛恨情仇,女主角貝娜對超自然世界的享往令她身陷險境，迫使對她一往情深的吸血殭屍愛德華不得不跟古倫家族的成員離開居住的霍斯鎮，以免貝娜再惹上危險。愛德華離開後，貝娜心碎得自閉起來，無法正常過日子。貝娜無意中更發現當自己身陷險境時，愛德華的影像便會再次出現在自己身邊。為了與愛德華再遇，貝娜不顧一切，全情投入各種高危玩意，一次又一次的冒上生命危險。在他的兒時好友雅各協助和鼓勵下逐漸恢復生氣，亦同時令雅各對她漸生愛意，後來雅各發現自己是狼人.............!

上星期已經看了這電影，之前沒有看過第一集，只無這一集，覺得戲裏面的愛情故事很淒美，兩人的感情很深刻，難怪令一眾少年着迷。

上星期在新世紀看這電影，好難買飛，我地坐第三行，都好近，不過都唔係好辛苦，但係越坐越凍~~~

星期日, 12月 20, 2009

天与地

網誌日期：2009-11-21 01:10

今日出去尖沙咀剪髮,在salon附近的諾士佛臺吃飯,去了吃上海菜的天与地,店子裏沒有其他客人,可以靜靜地吃,店員推介豆腐紙火煱,和熱飲蘋果參茶和薑蜜,都是冬季推介,還點了茶皇燻雞,黑醋排骨,吃得暖暖的.

之後去海港城影吓相,上個禮拜去到唔記得影,今日去影返,今年劃分左一半樓梯做攝影區,仲可以捐錢同花仙子影相,d花仙子好可愛呢!

薰衣草田

網誌日期：2009-11-15 00:38

果日去薰衣草田個天仲係好陰沈沈,仲好凍,不過仲有雪糕賣,個薰衣草園個logo 同温室入面既薰衣草係一模一樣,幾得意,除左薰衣草仲有其它花田,仲有cafe同商店,大家主要都係影花,我就梗係食啦!我買左芝士蛋糕同薰衣草牛奶布甸,好好味好滑呀!

Howard 就係响呢度跌左支鏡頭落地!好在淨係爛左filter,支鏡無事!

本來旁邊有個賣蜜瓜既地方,門口有個巨型蜜瓜比人影相,但係我地miss左,夠鐘上車先見到!呢個就係跟團既唔好處!

2012 末日預言 Synopsis

套戲講以瑪雅曆法預言的世界末日為背景,根據瑪雅曆法,地球將於2012年12月21日末日,在2009年一個印度科學家發現大陽發生唔記得乜野爆炸,令微元子增加,令地底6000呎下的水都在沸騰,預計數年後地球會發生大災難,當時八國高峰會的各國元首已訂下最後一步的計劃,直至2012年災難提早發生,到處都發生嚴重地震,地陷和火山爆發,並引發大海嘯,美國政府一直為保密呢件事,將那些想向世人掀發此事的人殺害,到末日到來時,便啓動當年訂下的計劃.................此片是明日之後的導演所拍,甚有該片的影子,男主角都是一路遇險都無事,大量GC特技,極為緊凑,有温情親情,警世,生離死別.......基本上就同明日之後差不多,只是多了投中國人所好!讚吓中國科技!