峰壽司

網誌日期：2009-06-30 00:58
果日睇完戲出來,個個頭暈眼花,事關我地坐第五行,前面有人遮住,加埋畫面快對白多,我睇左一半開始頭痛,睇睇吓要望返低d,睇完先無痛,不過佢地都唔太精神,兩個仲要食止痛藥tim,大家都wing wing地,就急急腳去揾地方食飯,行左幾間都唔太理想,原先想去魚一丁,唔記得搬左去彌敦道,我地行到去新港中心,唔理咁多去左地庫大食代果間峰壽司,等左一陣就有位,我地坐低就猛tick壽司,叫左好大隻既北海道帶子,好大隻,幾好味喎,一d都唔腥,其它壽司都無乜特別,我地食完傾計傾到人地收工先走,走既時候落起雨,我地搭地鐵時傾到去旅行既話題,好想同佢地一齊去日本,希望去得成啦!

嚐越

網誌日期：2009-06-29 00:36

尋日原本約好左去昂坪360,因為落雨而取消左,成班人難得就到出黎,改左去行街睇戲食飯,主要揾商場地方去,約左佢地去德福食晏,因為諗住去Mega Box,出到黎大家都嗌肚餓,想去飲茶又超多人,行行吓去左二期揾食,見有間叫嚐越既越南菜館,就坐低食住等,果度d越菜都好"港式"口味,麻麻地,我地一路食一路等,最後決定唔去Mega Box,又想去鑽石山Plaza Hollywood,又嫌無乜好行,最後決定去海港城,我地食飽阿Moon先到,佢黎到拿拿淋叫野食,叫錯左檬粉同小食都係蝦春卷,攪到有7條春卷比佢食.



食完就坐地鐵出去,好彩無乜落雨,去到戲院,無乜戲揀,4套戲有2套我都睇左,佢地想睇Transformer,因為我睇左佢地就諗住揀第二套,我唔想佢地就我,就叫佢地睇Transfermer,其實都無得揀,呀! 唔記得比返戲飛錢tim !買完飛就行左去Muji買野食,行左一陣想坐低飲杯咖啡,不過Starbucks 同Pacific 都無位,最後去左Suzuki,上次去過覺得d咖啡唔好飲,不過大家都係想飲杯野坐吓,又唔想去揾位,貪佢有位即刻可以坐.

我地叫左炸海鮮籃,雞翼同埋cake,一齊share食,平時唔鐘意食炸野,但係呢個d炸漿唔太厚,都冧冧地ok好食,個雞翼就好好味,d cake都好味,唔太甜,我就叫左Latte ,雖然唔係太"正",不過都好過上次杯Blue mountain!!

鄉川麻辣麵

今日三號風球,睇新聞Michael Jackson死左,真係令人震驚,仲諗緊佢仲可唔可以,以五十"高齡"去應付果50場演唱會,點知...........同日花拉科茜都去左,80年代d superstar都相繼早逝,一代經典都好似後繼無人!

尋日去佐敦食野,去左一間叫鄉川既小店,話明小店,真係好小,大約可以好迫咁坐十一二人,個格局好似舊式外賣快餐店,"開放式"廚房,令室內冷氣形同虛設,店員都坐在店外,令人誤以為是代客泊車,加上無招牌燈,真係差d睇佢唔到,此店主要賣麻辣麵,以車仔麵形式tick紙仔落單,除左麵食外,仲有招牌口水雞,拍青瓜,黄皮蛋(唔記得名稱,總之係黄色既皮蛋),入到去都好熱,關左門仲焗,入面坐滿客,主要係有一家人坐左大部份位,佢地走左之後即刻鬆動返. 我叫左口水雞,拍青瓜同薯粉,薯粉係一種類似瀨粉既野,拍青瓜切左幼條,好似拍得唔夠"爛",口水雞的麻辣,感覺正宗點,麻而不辣,雞肉略為"奀",無乜肉,自從上次去尖沙咀客家好棧食過口水雞之後,食唔到更好既口水雞了,這店雖然不是很突出,不過勝在住家小店feel,食物都是即叫即做,沒有味精,不會一味死辣,店內各人都很友善,一路都好多街坊來買外賣,要是店子大一點,光猛點,應該會有更多客人.

變形金剛狂派再起 Transformers: Revenge of the Fallen

今期最為期待的變形金剛,一如上集,大量CG特技,加上新加入的機戒人,新鮮感大增,同上集一樣多場激鬥,由公元打到現代,由市中心打到沙漠金字塔,由上海打到埃及,滿足全球各地的觀眾市場,男女主角遠不及兩個配角搶鏡,兩人對白惹笑,表情豐富,結尾兩個狂派悄悄溜走,可能為下一集鋪排,睇過上一集既朋友今集一定不可錯過!

Hannah Montana

雖然電視劇一集都未睇過,都想睇吓呢個小天后係講乜,其實套戲都好美式劇情,講萬人迷既偶像,換左髮型同化粧就無人認得,連一路跟住佢既狗仔隊都認唔到就真係奇怪,城市裏的小天后走到小時候住的鄉村地方,遇上俊朗的cow boy,要選擇未來路向,最終為了愛情親情而勇於承認自己身份,當然又是大團圓結局,戲中有多場歌舞,不過沒有令我覺得有那一首印像深刻.

這陣子忙得很,可能精神較緊張,睡得不太好,天氣也很悶熱,還未落大雨,人也感到提不起勁........今天朋友因失戀而有點失常,真令人擔心,早排仲聽佢講想同人分手,又驚對方會做傻事,現在卻相反???

Vintage Motorbikes

這陣子風平浪靜,日子平淡得很,每日返工放工睡覺,到放假的時候又病倒..........!斷斷續續的病了兩星期,雖不嚴重,卻頭痛得很,做乜都無mood....!去睇Kiehl's Motorbikes 都沒有太興奮!

早幾日得知某朋友的"真面目",令我很"迷",對現代年輕人的思維,不敢苟同,可能這叫代溝吧! 有人選擇與之保持距離,敬而遠之,我卻不想放棄呢份友情,雖然不認同他的做法,卻希望能幫助他改變現狀!

少女香奈兒 Coco Before Chanel

故事講述嘉比愛香奈兒Gabrielle CHANEL（柯德莉塔圖)小時候和姊姊在孤兒院長大,後來在服裝店工作,晚上在酒館唱歌賺錢,Coco是她未發跡前的花名,她們生活窮困,姊姊跟了一個男爵,而她則投靠一個富有的熟客,但礙於她們的出身,都只能做情婦/情人,在上流社會裏,穿梭於墮落與浮華之間,她不肖於過這些生活,卻無奈身無分文,亦無悽身之所,直至遇上生命中最重要的一個男人.

成套戲法文對白,沒有華衣美服,對她的發跡經過亦只有輕輕帶過,成套戲都係講她的愛情生活,都唔係想像中好睇!

我的美麗日記

上次去台灣見佢地係咁幫人買我的美麗日記面膜,價錢大眾化,好似係小S介紹過,而且台灣平dd,前幾日行過萬寧見到有d一盒有七種mask既value pack ,因為佢都有好多個糸列,依家可以一次過買七種試吓,所以買左兩盒唔同既試吓,效果唔係特別强,比較温和,平平地可以敷得密d,用黎做簡單既保養mask都OK!

未來戰士2018 Terminator Salvation

故事講述:在2018年,人類被大量由「天網」控制的機械人「殲滅者」佔據,人類被逐一捕殺，自小已被預告未來的尊康納已長大成人,他與預言一樣成為人類的領袖,帶領生還者團結起義，組織反抗軍對抗天網.神秘的馬克斯的出現，動搖了尊康納從小到大深信的理念,他開始懷疑人類是否能夠戰勝這場硬仗,來自過去的馬克斯聲稱最後的記憶是在2003年的死刑,醒來卻身處這個陌生的世界,尊康納必須選擇是否相信這個不明來歷的神秘人,而當天網正準備發動突擊滅絕反抗軍之際,尊康納決定與馬克斯聯手,潛入「天網」的基地,與敵人交鋒...............................

萬眾期待的第4集,男主角揾左"Batman"Christian Bale做,戲中既老婆就揾左"Spiderman"既女演員,加上大類電腦特技,是最受觀眾歡迎,另一男角Sam Worthington都做得幾好,最令人驚喜都係第一代人形T800的出現,結局編排都幾好!

Barielle

早陣子去City super見到Barielle 的Hand cream賣,之前只有在Joyce有得賣,那時在City Super做特價,便買來試試,它的質地比較杰,在双手"摔"一陣,它像"溶"了一樣,有點似油質,它的包裝附帶一對棉手套,我會在睡前塗厚厚一層,再戴手套睡覺,雖然一覺醒來,手套已經甩了,不過用了2個星期,已見乾紋減少了,自己一向懶塗hand cream,用這個方法做護理就啱我!

前兩星期去City Super 見又做promotion, 買2件有折,我們買了foot cream, 它的用法與hand cream 相同,只是沒有附帶襪子,我不想穿襪睡覺,我就會在上班前塗了才穿襪子,對於夏天喜歡穿涼鞋的我,作為預先打底,就唔使對腳咁乾!

翻生侏羅館 2 Night at the Museum 2

今集講述美國自然歷史博物館要大裝修,要換一批新的高科技展品,令到一批古董蠟像,Ben Stiller 的老友總統羅斯福等,一律被移送到全美國最大的資料庫"史密森尼學會"永久存倉,豈料百厭的猴子帶埋塊法老王金牌去,令歷史上最猛料的四大惡人翻生,包括法老王五世,美國黑幫大佬卡邦,暴虐無道的沙王伊凡四世,以及法國將軍拿破崙...........他更與美國首位越洋女飛機師Amy Adams展開一段魔法情緣,最後更令Ben Stiller 重返博物館!

今集的"展品"眾多,不斷輪流出現,上集的幾個主要角色大多沒有幾句對白,主要集中新的角色上,Ben Stiller 一貫的水準,大多是美式的惹笑對白,輕輕鬆鬆笑一場,都是不錯的選擇!

胡椒餅與鴨舌

這陣子很多朋友去臺灣,也買了不少手信回來,Suen的朋友帶了胡椒餅給她,她亦不忘與我分享,我還是第一次吃,上次去臺灣沒有買,只在夜市見過,Suen猛話好味,我看樣子好似唔錯,包裝上教左三種翻熱方法,主是都是用焗爐或微波爐+焗爐,我不想花太多時間去翻熱,所以只用微波爐叮熱就算,雖然沒有很香脆的效果,但味道仍佷好,果然係好味!

另外肥仔同亞雪也買了鴨舌回來,他們買的跟我買回來的不同,同樣是老天祿,但味道和包裝都不同,而且今次果d大條d,包裝上寫住請勿用微波爐解凍翻熱,唔知點解咁寫,可能驚影响味道啩,而且好多人就咁凍食,我都係照入微波爐叮,都一樣好味,慢慢食,都"梅"左成個鐘!好味道!!!

caffe habitu

昨天去看電影前,到附近的cafe吃飯,選了意式的caffe habitu,這裡主要是食pasta 和pizza, 我們叫了一客素意粉和parma ham pizza, 份量不算大,反而湯和咖啡就好大杯,這裡是自助形式的,人客很少,應該係成個圓方都無乜人!

睇完戲,我地去左溜冰,我人生的第一次溜冰呢!!!!因為無戴手套,都好驚跌倒,全程只有笨拙地沿着旁邊行行行,d小朋友都叻過我,anyway, just for fun ! 下次應該揾人教吓帶吓會好d !!

天使與魔鬼 Angels and Demons

故事由教宗逝世開始,4名候選主教被綁架,教廷總管收到光明會的恐嚇信和影帶,警方找來蘭頓博士(Tom Hanks)協助,由於意大利科學家維特多莉亞與助手成功研究的"反物質"同時被盜及收藏起來,他們必須在當晚12時前找到"反物質"否則它會爆炸,可以炸毁整個梵蒂岡,而幾個主教人質亦會由8時起每小時被殺一個,三人遂聯手根據各種符號,雕像等尋找與土,氣,火,水,四個元素有關的教堂尋找地點去拯救各人質............。

睇過達文西密碼,都會感到相類似,今次較緊湊,初段都好抽絲剝繭尋找線索,之後越來越急促,緊湊,都像多數的推理輯兇電影,最後很順利找到一齊.........多場在聖彼得廣場和梵蒂岡的場景都好似,只是尾段有小小誇張,伊雲麥葵格好搶鏡!

Simplylife

今日氣温高至32度,熱浪迫人,還是留在室內好,下午茶時間去左Simplylife度 tea,開了這麽久才第一次去,下午茶的set menu 主是burger + fries + drinks, 都是$42,burger亦可選牛肉或雞肉,我選了磨菇芝士漢堡,辣薯條和西柚烏龍茶,burger是即制的,要等約20分鐘,麵包有少少燶,包仍有點脆,牛肉不像平時的扁身和像包一樣大,而像個肉丸,較圓和厚身,放在中間,不過好在吃時不會"必"晒汁出來,而且新鮮熱辣,好好味,薯條只有幾條,都比較粗身,份量雖然少,但作為下午茶已很足夠,至於西柚烏龍茶,味道很清新,在這種天氣飲就很適合!

新大壽

困擾多時的煩惱終於解決了,心情輕鬆得多了,今天外出走走,雖然上星期去過尖沙咀,但那時候很迷茫,記憶只有在BB購物的時候,好像忘記了其餘時間去了哪?今天再去尖沙咀,感覺天朗氣清,空氣也清新點!走到山林道,尋找上次在飲食男女看過的日本食店新大壽,走了一圈也找不到,因為店子並沒有招牌,正想走近彌敦道轉往美麗華,走過一座商厦時,驀然回首就看見大厦的水牌有幾個大字,正是要找的店子.

上到去1/F,店裏好像沒有客人,我們坐下來,店員只給了set menu,我見白板上寫了些是日的刺身,便叫店員拿那一份menu,她說有些食物今天沒有,因大廚不在,我們就叫了牡丹蝦,薄切魚(因為賣晒,轉左薄切油甘魚),鯖魚壽司,螺,餃子,魷魚大根煮,焗雜菇和稻庭冷烏冬.各種食物的味道都不錯,只是餃子不太理想,價錢都不算貴,店員都友善有禮.

消失的閒情 - 麻布茶房

很久沒有去麻布茶房,記得在它剛剛開業的時侯,有陣子都常去,那時候總相約姊姊在那裏用膳,順道去附近理髮,印像中在麻布茶房內,我們總是很悠閒,店裏人客不多,慢慢地輕談淺嚼,很清閒自在的感覺,好像沒有了煩惱,也不記得為甚麽會有這樣的閒情,但這種感覺好像消失了..............昨日經過的時候,腦裏很煩,我轉身走到入店內,希望能尋回那消失了的閒情,即使半小時也可以令我靜下來暫忘一切!

坐下來點了麻醬波菜,蕃茄雞肉豚肉漢堡拉麵和柚子抹茶,味道沒有以前的好,大概是失去了那種"清閒"的風味吧!

Bobbi's Backstage

今日去尖沙咀睇吓Bobbi's Backstage Event ,都好多人預約左比妝,我無預約到,只係見個粉底set幾好想去買,去到望吓display,即刻有人問有乜幫到我,我話睇吓先,d人既刻走開,我見大部份sales係男仔,女仔好似少d,睇左一陣有個男仔好熱情咁介紹我睇緊既shimmer brick,久遺了的熱誠,這種熱誠樂助已在Bobbi brown消失了10年!!!!!!!! 個男仔叫Tim,我諗起好耐以前,見到BB的sales 姐姐的妝容很自然簡潔,非常漂亮與當時的化妝風格很不同,那時候的BB sales 姐姐會好耐心教你點化妝,真係一個化妝介既legend,好喇,講返個set,佢有埋細細支既水份眼霜同防曬base,同埋上次買唔到既Skin Foundation同支迷你brush,加埋用開既concealer,而shimmer brick 一直想試,但係唔識點用,見呢盒迷你d又多色d就試一試,同阿Tim 傾開eye shadow既問題,佢話用眼霜打底時不用塗眼蓋,用佢地隻cream eye shadow 打底就得,可以減少眼蓋出油,佢話我眼窩較深,塗淺色d , shine d 既色會出d,諗落都係,自己都係用淺色多.佢又介紹新果隻 cleansing oil ,不過屋企仲有支Fancl 未用,唔買住,咁佢就比左d sample 比我試,我問左佢平時返邊間分店,佢話尖沙咀西武,下次再去揾佢買啦!
是日心情欠佳,心情尤如上錯賊船,要shopping減壓!

青春高校回到17歲 17 again

故事係講男主角在17歲那年因女友懷孕而放棄一切,與她結婚,廿年來做事有頭無尾,經常抱怨當日的决定,最終太太决定離婚,此時他在事業上又失意,在一次返回高中的學校(也只其子女所讀的學校,他遇到一個老校工,令他變回17歲時的模樣,他重返校園,才知道子女的生活,一心要保護和照顧自己的孩子,亦令他發覺自己仍深愛太太...................男主角Zac Efron碩克艾佛朗相當靚仔,演他好友的男配角也很搶鏡,經常科幻電影角色上身,好攪笑!