今日去中環睇醫生，都係鍾意睇返我相熟嘅醫生，始終都係對醫生有信任，所以有咩問題我都係問佢🤭
睇完醫生去附近食啲嘢，之前睇網上嘅影片介紹呢間拉麵店，就去試吓，雖然店嘅位置喺旺區，不過佢嘅位置喺一條巷裏面，仲要行樓梯上，平時行過真係冇留意呢度有間拉麵店，去到見佢冇乜人，我去嘅時候得兩枱客，因為過咗繁忙時間，坐咗一陣仲得返我一個添😅佢嘅拉麵都有好多選擇，又變咗選擇困難，原本想試吓佢哋個冷麵，但係見到個雞醬油拉麵又好似幾正，所以最後都係揀咗醬油拉麵，將油湯嘅味道唔錯，佢有兩款雞肉，有一舊係冇雞皮，另外有兩嚿係有雞皮，而且火炙過，同埋仲有一塊叉燒，個溏心蛋都好靚，好好味，整體成個面都好食，另外又叫咗一份炸雞，因為得我一枱客，所以個炸雞係即叫即炸，熱辣辣，好食，所有雞肉都係日本雞，雞味同肉質係與本地雞有分別，炸雞好Juicy好好食👍🏻下次要試吓其他拉麵先得😄店入面嘅水都係用咗紀州備長炭，增加礦物質，水質亦都順滑啲👍🏻
沒有留言:
發佈留言