年初三赤口，約咗好友去佐敦食火鍋，呢間我上個月都去過，覺得都OK，而其他好友亦都有興趣試，所以就book咗八位，我一早出咗嚟，原本諗住去裕華行吓，點知佢冇開，就行咗去廟街睇吓，因為知道佢做緊夜繽紛，都幾熱鬧，有客都唔少，咁我就早少少去攞位先，因為佢呢度係冇限時，我坐低咗就WhatsApp好友，佢哋差唔多到嘅時候我先叫一個雞煲，因為佢要煮大概8分鐘，我煮定個雞煲佢哋嚟到就有得食，先叫咗個唔辣嘅，因為有小朋友，食完之後再叫一煲小辣，有辣味係好食好多，跟住好友話唔夠，要叫多半煲，食完雞煲之後就上海鮮，又係蒸好嘅海鮮，有扇貝、蝦、鮑魚、魚腩、烏冬，同上次一樣個蝦麻麻哋，不過鮑魚同扇貝都OK，而且蒜蓉粉絲蒸，味道唔會差得去邊！跟住就火鍋，因為一個好友唔食牛肉，所以我哋要鴛鴦鍋，佢原先係一個湯，飲完先直接打邊爐，因為要鴛鴦鍋，佢就會獨立一鍋湯俾我哋飲，然後上一個鴛鴦鍋剩係得清湯，叫我哋自己加料落去做自己喜愛嘅湯，咁我哋飲完湯就將啲湯渣放埋落個清湯度，有啲肉喺度煲吓，佢嘅牛肉味道都唔錯，雖然係好薄同埋細塊，但係都OK，飲食嚟講價錢都好抵，而且服務都好好，大家都食得好開心！
沒有留言:
發佈留言