由太子站行過去好近，行入大南街第一個街口就係，去到店入面只有幾個客，佢呢度應該有10個吧枱位，另外有三張二人枱，我坐低冇幾耐其他人都走晒，餐牌非常簡單，只有三款湯麵嘅選擇，有雞白湯、醬油湯同埋雞鹽味三款，最多係加配料，同埋叫飲品，冇任何其他小食，先試咗佢哋嘅雞白湯拉麵，價錢係最平嘅一款，雞湯嘅味好濃，我覺得佢有D似中式花膠雞湯，仲有小小雞油，唔同雞白湯嘅味，不過都好味！麵條有小小粿粒，但食落口感又冇粒粒咁！
跟住試咗醬油拉麵，呢個就比較普通，亦都試咗雞湯鹽味拉麵，都係覺得雞白湯好味D，另外兩款嘅味道都唔錯，個人比較鍾意雞湯多D😋😋
沒有留言:
發佈留言