跟住去明治神宮外苑影銀杏！揸車泊左去附近，行過少少就係明治神宮外苑地区嘅入口！可能今日係星期日，兩邊馬路都企滿人喺度影相，我哋沿住銀杏樹一路行，行到盡頭喺一個公園，再過馬路去返對面行返返轉頭，咁樣喺度兜咗一個圈影咗啲相，當然企喺馬路中間影係最靚，都係有人警員呼籲民眾唔好停留，不過都可以行慢少少，勉強可以影到一兩張相，馬路兩邊亦都不時有廣播提醒遊人唔好行出馬路，因為其實呢度都幾多車！
攞車後直接去Skytree，泊完車，一入商場見到一D角落生物公仔，好得意，好友買左D比佢姪女，跟往又去睇Harry Potter pop up store ，都冇乜野啱！上去睇吓摩天楼有冇位，話晏少少先有，我地就去坐吓，坐低後大家即時覺得好眼瞓，可能嚟到第七日，大家已經好累！好友話上車瞓一陣，我地行落去商場時，我地兩個又去左睇鞋😅，另外兩個就走左旁邊休息區休息吓！我地在 Onitsuka Tiger 各買左兩對鞋🤭 然後會合好友上去食飯！
上到摩天楼，安排左坐近窗位置，我地order 左四個set ，先嚟沙律，同一個海膽壽司，味道唔錯，我有行出去睇師傅整龍蝦，見到D龍蝦都好新鮮，跟住就上龍蝦比我地，但係我地四個每人一隻的龍蝦，肉質竟然是霉的，應該是死𧎚！我們要求更換，但係店員言語不通，用Google Translate都唔係好明，佢話再幫我哋煮一煮，但係個問題唔係生熟而係肉質，跟住佢又話同我哋換帶子，但係龍蝦道帶子價錢爭好遠，所以我哋都係要求換龍蝦，後來個主廚過嚟了解，但係其實佢英文仲差過個侍應🤦🏻♀️，最後佢都係話同我哋換過第二碟龍蝦，換咗之後試一試就正常返，D肉質彈牙好多，證明呢一碟先係新鮮嘅龍蝦🦞，其實呢間之前都食過兩次，未試過有咁嘅情況，所以都有D失望！跟住係鮑魚，煮得啱啱好，肉質爽口彈牙，好食😋 之後係today special ，係一舊白魚肉，呢個就普通，最重要係神戶牛，肉質靚，生熟度剛好，唔太油，好食！跟住係炒飯、甜品，唔特別出色，不過不失，整體食物質素都高，不過略為貴咗D，可能食最平果餐抵D，只係牛肉唔同，少咗一款海鮮，相對抵食D ! 加上龍蝦問題，都影響左食慾！
食完飯出去影吓相，再行吓Life 🍀超市，已經九點幾，入返商場搵唔到路去停車場🤦🏻♀️因為有D門已經鎖左，跟人地行出商場，再揾吓先去到停車場！返到酒店都十點幾！今晚要執行李，聽晚返香港喇！🥹🥹
沒有留言:
發佈留言