隔咗一個月，又再去東京啦，今次唔係一個人，係四個人，仲要係自駕遊！😄😄
呢個行程都plan左半年，當初plan今次旅行嗰陣，好友都未換 Passport，要等佢換咗Passport先可以買機票，七月嗰陣先至買機票，嗰陣時買都比較貴，跟住就要睇酒店，同埋plan行程！因為我地呢個組合三人已經幾年冇去過旅行，所以好期待，雖然好友個男朋友冇同我地去過旅行，而且大家只係食過兩、三次飯，不過因為佢係唯一嘅司機，所以到時大家盡量就！😂😂
我哋約咗7:00在機場集合，我同另一好友幾乎同步到場，而另一好友同佢男友呢pair 就遲遲未見，原來佢哋揸車，要泊低架車先再行過嚟，我哋就寄咗行李先，但係今朝好多人排隊，我哋一時醒唔起排喺前邊度等，結果好友同佢男友要從頭排過，所以都要花啲時間，所以我哋兩個入去買咗嘢食先，過咗關之後，揀左 Gordon Ramsay 試吓！叫左四份早餐食住等，個早餐就普普通通，但咖啡就🤦🏻♀️，本來好友想試Blue bottle ，但網上有人話，原來佢哋啲咖啡係預先整好嗰種，而唔係即磨，加上唔夠時間，所以冇試到！上到飛機，我地前後兩個兩個坐，大家都瞓左一陣，飛機餐係雞尾包，熱熱地都OK!
到埗之後，我地寄存行李在機場，然後搭的士去酒酒井outlet ，去到outlet 先去food count 食烏冬，又買左貢茶，但係貢茶唔好飲🤦🏻♀️ 我哋行咗一陣大家都冇乜收穫，就搭返shuttle 返機場
我哋唯有去搭火車，好彩買完飛幾分鐘就有車，搭咗一個鐘頭車去到東京站，因為要食晚飯，所以搵個locker放低咗行李，就喺東京站裏面搵嘢食，去咗一間壽司店食壽司，另外又買咗少少手信，再call 咗架大嘅Uber，車我哋返酒店！今日都算係波折重重，最後返到酒店，大家要好好休息一下，因為聽朝又要一早出發！
酒店住後感：
KOKO Hotel Premier 日本橋濱町科科酒店
酒店本身沒有停車場，但係今晚我哋冇揸車，所以預先睇定附近邊度有得泊車，附近都有幾個細細地嘅停車場，我哋揀定咗酒店對面，過條馬路就有一個停車場，聽晚就拍呢個位👍🏻
酒店個位置都幾偏僻，雖然附近有個火車站，係都營地鐵新宿線嘅濱町站，但係東京站唔能夠直接轉車去呢條線，我哋拎住好多行李，亦都唔方便轉車，call Uber 由東京站過嚟，一架大車都係三千幾円👍🏻，呢度周圍都好靜，附近只有間便利店，不過酒店幾新淨，房間都有較多空間，有張梳化可以坐，浴室同之前住過熊本間分店幾乎一模一樣，酒店大堂可以攞牙刷，護膚品等用品，仲有提供護髪油珠珠同埋入浴劑，酒店門外有一排銀杏樹，剛好都變黃了，幾靚！
沒有留言:
發佈留言