2023年10-11月東京半獨遊 Day 6 - 東京、銀座

今晚9點幾機，都唔知去邊好，check out 後放低行李在酒店，去附近行吓＇見到有閒椿屋咖啡，去食個早餐先，呢度有兩層，我坐地庫果層，叫左個多士炒蛋煙肉set ，跟杯咖啡☕️ 

食完早餐去左附近高島屋，未去過呢間高島屋，佢有兩座，中間有天橋連接，𥚃面有少少舊，行左一陣，諗住落去食嘢，想試果間又大排長龍！所以行過去銀座，在銀座兜左個圈，行返去東京站中途見到有家拉麵店，有幾個人在排隊，見到都係本地人排，又試吓先！店名叫どみそ🎶見到音符，英文Do Mi So都係音符，主力濃厚味噌湯，叫左個湯麵，個麵豉湯係好濃厚嘅，不過就唔會有好大驚喜，味道都唔錯！

食完就行返去攞行李，跟住直接入去東京站搭車，去到機場時間尚早，就過去T2睇吓有冇得食銀座篝拉麵，知道佢喺T2開左分店，去到先發覺原來佢要過咗關先有得食，唯有過返去T1，買咗杯Starbucks飲完，然後就過關，入到去T1嘅免稅店，見到有NY cheese 手信賣，不過都係得返幾盒，我因為已經買咗，所以冇再買，跟住去搵啲嘢食，去咗一間叫做三本亭的，食咗碗牛肉飯就等上機返香港，不過飛機delay 咗成個鐘，所以返到香港已經兩點幾🤦🏻‍♀️，好彩今次唔使點等行李，好快攞咗行李走得！

返到香港，見到機場裝飾嗰架飛機喺返度，之前可能收咗去清潔🤣