好好肥牛雞煲店

  

今晚約咗好友食飯，呢班好友已經超過一年冇見，應該話大部份人一年冇見，有一兩個偶然都見到，不過今日都係約唔齊人，呢間火鍋店我之前嚟過，之前唔知係咪叫做好好火鍋店，定係一向都係呢個名，我就唔係好肯定，今晚我哋冇食雞煲，因為好友話食過佢哋嘅雞煲覺得麻麻地，都係主力食火鍋，呢度啲用料都唔錯，今晚成班麻甩佬，所以叫好多嘢食，牛肉都叫咗三大碟！其他配料都叫兩三份！嗌咗咁多轉嘢食都唔記得咗嗌蝦🦐😅 

新聞話開始0+7 ，返香港唔使隔離，大家都蠢蠢欲動，上網睇機票，不過而家機票都仲係好貴，雖然酒店都平咗，但係拉上補下都仲係貴，覺得唔係咁值囉！🤦🏻‍♀️