HIKARI

又有新開咖啡店☕️，位於荃灣大壩街，今日就去試一試，見到唔使等位，就真係最好！店入面嘅面積都好細，有條樓梯上樓上，不過明顯就冇開樓上，樓下大約20個座位，已經坐滿晒，剩返兩個面壁位對住門口塊玻璃，面壁為一共有三個，都係對住塊玻璃望住出街，有人等位嗰陣時，就會你眼望我眼有啲尷尬 😅，睇吓個餐牌，都係吐司、意粉、小食、少量甜品，當然唔少得咖啡，同埋非咖啡類飲品！

試咗三文魚意粉，同埋黑松露意大利飯，飲品就試咗竹炭咖啡同埋芝麻鮮奶，兩杯都係黑色飲品！食物嘅味道不過不失，份量亦都唔算好大，竹炭咖啡就咖啡味比較淡，可能比竹炭嘅味道掩蓋左，芝麻鮮奶亦都唔算好特別，都係想像中嘅味道！試埋佢哋嘅甜品 crème brûlée ，味道有少少淡，不過都啱我食！整體來講呢度都唔錯，店員都友善！