Odea

好耐冇去過1881食飯，今日去試吓佢個hightea，餐廳位於嘅大樓係英國式建築，我樓底好高，亦都有一D戶外嘅座位，感覺就好似昔日殖民時代嘅香港！

我哋訂咗位坐室內，今日天氣都幾熱，坐室內就有冷氣，會舒服D，餐廳入面嘅面積唔算好大，唔知係咪仲有其他位置未開，眼見只有幾張枱，餐牌主要係得下午茶high tea set，同埋一D追加嘅 starter 同 side dish，今期下午茶嘅主題係士多啤梨，每款食物都有士多啤梨元素，其中一個 scone 都係士多啤梨味，鹹點都有士多啤梨！另外有一碟士多啤梨蕃茄三文魚另外上，呢碟三文魚嘅味道怪怪地，你番茄蓋過咗三文魚嘅味道！

Tea set 嘅鹹甜點就一般，唔算好特別，呢度環境唔錯，店員嘅服務都好好，洗手間要行遠D，不過沿路都見到呢坐建築嘅內籠，都好清優典雅！今日仲有人搞婚宴添，食完嘢，我哋都係附近影吓相先走！