唐宮小聚

又到好友生日，揀咗去尖沙咀呢間食晚飯，其實呢間主打係點心，不過夜晚都幾多人，雖然呢間店嘅位置，在新港中心，呢個商場好靜，而且好多吉舖，不過啲入面都幾爆場！

點餐紙上面嘅點心圖樣都好靚，樣樣都好吸引，點心嘅款式亦都比較特別，當然我哋晚餐就唔會叫返平時飲茶食嗰D點心，都係偏向一D小菜為主，我哋叫咗鮑魚撻、乳鴿、皮蛋、蝦多士、叉燒牛肉、擔擔麵、荷葉飯等等，我哋四個人去，佢樣樣點心都係三件，份量有D尷尬，所以全部野用刀叉切開四件，可以食到嘅食多D，食唔到嘅食少D，起碼平均分到！食物嘅味道都唔錯，叉燒牛肉係用叉燒醬醃咗嘅牛肉，所以食落口又覺得好似食緊叉燒，但係其實食緊牛肉！食完飯唔少得食蛋糕，原本想試吓最近新出果隻芒果糯米飯蛋糕，但係佢份量太大，足足有兩磅，所以冇買到，買返一個細細地嘅 Opera 蛋糕就算喇！