Mr.Kanso

食完壽司🍣，好友 J 要返工走先，我同好友 F 去揾地方飲咖啡，行去耀華街諗住去街尾嗰間coffee shop，行到半路見到呢間，成間都係買賣罐頭，佢有堂食，有D食物都係用罐頭做，見佢有嘢飲，我哋又坐低試吓！

點入面嘅座位唔算多，門口有一張吧枱，有個小酒吧，入面仲有大概四五張枱，叫咗兩個小食同埋兩杯咖啡，一款係烤雞配炸番薯條，另一款係帆立貝脆餅，帆立貝係罐頭，佢會跟埋帆立貝個罐頭包裝，如果覺得好食可以買番罐，個炸雞同埋番薯條就加咗炸漿去炸，我唔係咁鍾意食😅，個番薯條就幾好食！

食咗兩餐都好飽，跟住同好友去搭車，因為我今晚約咗另一班朋友食飯，好友就自己搭車返屋企去先😅