鳥十

 

從迪士尼出來，原本想同好友去食金色不如帰，但係超多人排隊，所以我哋轉左去第二間度食，去咗呢間食日本嘢，見佢餐牌一樣有拉麵，所以就食呢間，一坐低見到枱面張紙，原來又係鮨穴同一個集團，咁D食物都有質素保證，當然價錢都係偏貴咗D，店入面唔算好多枱，因為呢個鋪位旁邊仲有一間望月樓，應該係兩間食店share 一個舖位，所以唔係太大間，睇下個餐牌食物選擇都幾多，除咗壽司刺身，仲有爐端燒等等，我哋叫咗兩碗拉麵，另外叫咗幾款串燒，有白鱔、雞肉串、牛舌同埋雞腎，我哋好鍾意食燒白鱔，因為曾經一齊去大阪食過一間鰻魚店，佢有燒白鱔，好好食，每次食燒白鱔都會諗起大阪果間鰻魚店，因為當時食得好開心，都係回憶嘅味道，而家嗰間鰻魚店已經執咗，好令人懷念！呢度嘅白鱔都好厚肉，加咗D醬汁都好好味，拉麵比預期好食，因為呢度唔係專注做拉麵，但佢個胡椒湯都幾好飲，夠晒辣，飲到我身水身汗！😅