迪士尼城堡完工

飲完咖啡，跟住再入去迪士尼，城堡已經拆咗棚架，但仲未正式開幕，原來佢今個月21號就正式開幕，不過果日係星期六，所以去唔到，唯有之後再入去睇吓啦！

今日樂園超級多人，可能因為疫情減退左，好多家長都帶小朋友去，每個遊戲都要排隊，最少都要半小時以上，上兩次去都唔使點排隊，今次就排到暈，有D人龍之前從來未見過咁長，搞到我哋玩唔到幾多個遊戲，之前灰熊山谷會有一人隊可以排，而家都取消咗，仲要排45分鐘，所以好友都沒有玩！

我哋行商店睇嘢都係好多人，而且冇乜特別靚嘅嘢買，我哋係睇中左個聖誕頭箍，不過都知道我哋唔會點戴，所以都係冇買到，影吓相就算喇！行到天黑我哋就出返去食飯，決定等城堡正式開幕之後再嚟過！