海港薈

相約好友到青衣集合，都有一段時間冇去青衣食嘢喇，過往我哋都主要係去食拉麵，今日見有間酒樓好似新新地，開咗唔係好耐咁款，而且好耐冇一齊去飲茶啦，所以去試吓啦，雖然係午飯時間，不過都有位，我記得以前呢個位我哋嚟食過嘢，好似都係酒樓，我哋叫咗幾款點心，有鮑魚燒賣、帶子腸粉、素菜餃、叉燒包、豉蒜炒尖椒，食物質素一般酒樓咁啦，我哋食咗一陣嘅時候，隔離枱有位嬸嬸，喺度咳😧，嚇到我哋同另一邊果枱客，你眼望我眼，開頭諗住佢唔知係咪濁親，過咗一陣佢又再咳，所以我哋同另一邊果枱都係調咗枱🤭，而家疫情咁嚴峻都有D驚，始終大家除咗口罩！