之前在商場見到佢裝修緊，話10月開，去到10月尾終於都開咗，今日雖然係假期，都試吓等吓位，因為通常一個人都有機會有位！取飛後見前面有4個一人飛，等左大約五分鐘已經有位，因為前面幾個號碼取飛後沒有等，所以有單丁位就到我！
店入口是圍住廚房的Bar 檯位，入面有卡位和四方枱，見到一個大大隻的店員，講嘢聲大大，安排坐位好有效率，好快手咁指揮工作，感覺好快安排到坐位比人，又同小朋友 social 吓，好勤快！👍🏻
餐牌上湯麵選擇不多，一如日本人那份專注，麵只做一款貝汁，只有醬油同鹽味嘅分別，麵嘅配料有低溫慢煮叉燒同埋三層肉，湯底係三重湯底，包括有蜆湯、豬骨清湯、魚清湯，另外有黑松露醬同埋牛肝菌碎加牛肝菌油，湯底都好清甜，我覺得配牛肝菌好味一過黑松露醬，除咗麵仲有飯食，都係用返佢湯麵果衛低溫慢煮叉燒同埋三層肉，另外有款牛舌飯，小食嘅選擇相對多，有餃子🥟之外仲有豆腐、沙律🥗、炸物🍤之類，其實淨係食一碗麵🍜都好飽，我仲加咗味玉，食埋餃子飲埋野！好飽！
沒有留言:
發佈留言