又開始生日飯局，今年疫情下，多過四個人的群組已經冇約食飯好耐！只有四人或以下先有出來！雖然政府今日話星期五會放寛限聚令，不過之前幾個月冇食生日飯的群組都唔約喇！
今日約咗 F的前度 K 和好友 J ，先去九龍城買大閘蟹，我地只買了每人一隻四両，因為尚有其他野食，我地去左九龍城街市，見到D海鮮好貴，所以去返大成街街市，價錢貼地好多，我哋買咗一款叫做白剌嘅蝦🦐，店員話唔係成日有，我哋都係第一次見，見佢價錢都唔貴就買咗一斤試吓，另外再買咗蟶子、扇貝、白鱔、象拔蚌仔、蜆，當然唔少得牛頸脊，同埋少少丸，我哋先整咗大閘蟹食，食完先至打邊爐，今晚大家冇乜食力，基本上所有嘢食淨一半！果隻白剌蝦真係麻麻哋，唔怪得唔係成日有，因為都唔好食！食剩嘅嘢擺咗落冰格，留返聽日再食！食完飯又切蛋糕🎂，今年第一個切嘅蛋糕，雖然人少少，但係都好開心，難得大家有心！❤️😊☺️
沒有留言:
發佈留言