上星期約咗好友今晚在家食牛扒餐，其中一個好友J 今日放假，所以一早去買定嘢食，準備定嘢，跟住我就買咗兩罐龍蝦湯罐頭，因為好友整咗蒜蓉包，想配過龍蝦湯，所以叫我買埋上去，上到去佢已經慢煮好韓牛牛扒同埋羊架，整埋蒜蓉包同埋薯蓉，仲有一塊和牛牛扒，等好友 F 收咗工，差不多到步嘅時候，就開始煎牛扒同羊架，同一時間焗爐焗薯蓉同埋蒜蓉包，返到嚟啱啱好開餐，好多嘢食，三個女人食咁多嘢！再開埋支菠蘿酒同埋梅酒飲，今次我哋自己整嘢食，冇男士去煮俾我哋食，都一樣煮得好好食！自從好友F 同男友分手後，大家再見亦算是朋友，因為F仍然居住在前男友的家，而前男友就搬到自己母親的家住，不過最近好友 F 被前男友趕走，要他今個月內搬走，所以大家關係就冇以前咁好，而好友F 亦都要準備搬家，相信她搬走之後，與前男友不會再有往來，日後將不會再有四人行了！實在令人可惜！不過佢做得出趕F 走，都預咗有咁樣嘅結果！
沒有留言:
發佈留言