孖啡

呢日無無聊聊地出咗去旺角，去一去銀行，銀行入面都少咗人，以前可以沖咖啡飲，今日冇得飲，去完銀行，就自己去飲咖啡，去咗呢間樓上舖，自從限聚令之後，食客都分開坐，或者係冇乜客，樓上鋪就更加靜，上來嘅時候有三、四枱客，不過好快走咗兩枱，我叫咗個蜆意粉同埋一杯咖啡，個意粉都幾好味，不過D蜆有埋殻，就要花D時間處理，咖啡就普普通通唔算特別，D店員就冇乜表情，可能冇乜嘢做，個樣好似發吽豆！

食完野去 Ocean Three 睇吓D牛扒，因為約咗好友下星期三在家据扒，睇完再行咗去果欄嗰邊，睇吓有冇乜嘢靚生果，日頭嘅果欄熱鬧好多，不過都冇嘢啱食，再行過去油麻地上海街，睇吓D廚具用品，見到有個不鏽鋼盤，應該啱蒸爐用，不過冇度到尺寸所以唔敢買，費事買咗返去唔啱用，下次先再過嚟睇！