鮨之

睇完戲喺朗豪坊度食晚飯，見到呢間壽司店應該開咗唔係好耐，前身係元氣壽司，而家呢一間同鮨穴係同一個集團，應該質素都係差不多，點入面嘅枱都唔係好多，大部份係卡位，不過近日市道低迷，晚飯時間只有三、四枱客，餐牌選擇都唔少，除咗壽司亦都有串燒，落左order之後，會有部機自動送餐，送到你個座位側邊比你自己攞，都幾方便，見到有一款拖羅壽司，有四款拖羅，所以叫咗客試吓，味道都唔錯，質素都幾好，串燒就叫咗兩款唔同嘅雞翼，同埋骨付腸，仲有個炸番薯，同埋幾款壽司，全部嘅食物質素都唔錯，價錢就貴咗D，宜家呢個市道佢都冇比折，不過店員嘅服務都好好，如果有埋折扣就更加理想！