又有好友生日飯局，今個月同一個人生日去同一座大廈，上年去果間執左，今年呢間應該新開冇幾耐，呢座大廈幾乎全部都係食店，所以晚飯時間等 lift 要等好耐，上到去見呢度地方其實唔大，而且係冇圓枱，不過個VIew 叫做有D景睇下，我地仲睇到幻彩耀香江，冇錯，即使唔係近海，都見到朗豪坊頂部嘅雷射光！
因為想食雞煲所以先嚟呢度，我地叫咗一個BB辣嘅雞煲，同埋一D火鍋料，個雞嘅味道就一般，不過辣度就好夠，而且越煲越辣，即使加咗湯都係覺得越食越辣，果碟牛頸脊切到好薄好薄，真係紙咁薄，其他火鍋料都係一般啦，呢度環境有D嘈，傾計都唔係聽得好清楚，要好大聲講嘢，整體來講呢度服務都幾好，不過食物一般，所以唔一定會再嚟！
沒有留言:
發佈留言