今日去銅鑼灣買嘢，因為做特價所以特登去買，買完野去咗附近嘅 Cubus ，試吓呢間餐廳，睇過餐廳個名就知係食海鮮，佢有D 似之前去過果間 The Captain’s House ，都已經係四年前去食，今次呢間餐廳個logo 都好相似，店入面嘅地方都唔算好大，見佢一條樓梯應該係仲有樓上，而且外邊我仲好似有個露台，至於海鮮嘅做法，都係有一個袋入住一D煮熟左嘅海鮮，加咗D醬汁，將佢放入膠袋撈勻，我哋揀咗半隻龍蝦、鮑魚、松葉蟹腳、扇貝、海蝦，佢亦都有幾舊薯仔同埋粟米，不過個鮑魚冇貨，所以食少一樣，個味道都真係同 The Captain’s House 好相似，我懷疑佢地係同一間公司！不過蟹腳有D腥味，有一兩隻蝦霉霉地，整體而言佢嘅海鮮唔係幾新鮮，可能lunch set 係平D，所以質素就差D，不過上次去The Captain’s house 都係食lunch都冇咁差！
沒有留言:
發佈留言