陳記深井燒鵝 （琦哥號)

相約好友去食飯，原本約咗下個月6號去食，但係有D人又甩底，最後改咗今日去食，但係最終6號甩底果兩個，今日都係甩底！早知就唔使改期！今次約得好叻勞氣，下次真係唔會花時間再問佢哋咁多！

我地有兩架車，分咗兩個 location 揸車入去深井，其實都好近，入到去深井自然睇吓去邊間食，好又話去陳記，講到陳記，其實深井有好幾間陳記，朋友食過呢一間話覺得幾好，所以就去呢一間，佢有室內同埋室外俾我哋揀，今日唔算話好熱，不過驚有蚊，所以都係揀咗室內坐，我地好快就人齊，叫咗一隻燒鵝、三款腸，分別係炸大腸、炒鵝腸、砵仔糕魚腸，另外仲叫咗避風塘小炒、生炒排骨、同埋豉汁蒸烏頭，D餸碟頭都幾大，我地都驚食唔晒，不過食下食下又食得晒，當然大家都係食到好飽啦！食完飯唔少得切蛋糕，今次買咗蜜瓜蛋糕，貪佢清清地唔會太多忌廉！

食飯嘅時候大家都傾到下次去大圍食打冷，起碼在坐嘅已經約實左，甩底果兩個可能到時都係黎唔到，都唔理佢地喇，我地一於照預訂日期去！