普慶餐廳

又有飯局，今晚去食 Buffet ，一聽個餐廳名就知道佢在逸東酒店啦，其實好少去呢邊，不過搭車有時經過見到酒店有翻新過，其實呢個商場都幾死場，前前後後都裝修過幾次，或者D食店轉過手好多次，今次見佢將酒店大堂搬咗落嚟地面果層，落一厝就係類似food court 嘅地方，再落一層就係普慶餐廳，餐廳嘅位置都幾大，不過可能柱位多，攞嘢食都要兜嚟兜去，餐廳最重頭嘅食物就係生蠔同埋海鮮，有蟹腳、麵包蟹、龍蝦、等等，其他食物都係一般 buffet 有果D燒牛肉同熱葷、印度菜、壽司等等，餐廳都幾爆腸，我哋訂枱嘅時候定少咗兩位，諗住叫佢加多張細枱都加唔到，唯有坐迫D，今晚我都食咗幾多野，食得好飽呢！