今日相約一班好友，慶祝我地相識15周年，時間過得真係好快，估唔到我地咁快就已經識咗15年，睇返當年我地一齊去玩嘅相，真係變化好大，有三個近年都做左媽媽，當然亦有一兩個冇乜點變！
本來今次齊晒人，但係經常甩底果個甩底王，當然又甩底啦！真係可惜！
呢度好新淨，應該裝修冇幾耐，座位都唔算太多，今晚亦都唔滿座，我地叫咗幾個小菜，有椒鹽鮮魷、魚香茄子、滷水鵝片、椒鹽白飯魚、兩面黃等等，食物的質素都唔錯，不過碟頭比較細，相對來講價錢就偏貴，基本上食完都唔算好飽！不過我哋就食埋甜品，因為話呢度啲甜品都唔錯，我哋叫左幾款甜品，有湯圓、綠豆爽等等，味道唔錯，亦都唔會太甜，最後我哋影埋大合照，因為少咗一個人，所以我地用手機開咗佢張相，一齊影合照！
沒有留言:
發佈留言