放大假前，飛返轉先！
星期六，周圍都多人，近近地，去馬鞍山個海濱長廊睇下可否飛，以前在馬鞍山返工，經常望見個公園，都冇入過去睇，今次笫一次入去，見個海濱長廊唔多人，主要係有D人跑步，今日天氣有D熱，有陽光，搵個位置放，一開機就話指南針 error ，要較正，試左兩次都唔成功，話有干擾，最後要行去另一個位先得！
飛去附近睇下，飛出D又接收得唔太好，所以近D飛，主要想飛一下，再決定是否帶去旅行，因為予計有一或兩天去郊區，可以飛返兩轉！我飛左出海時，見到頭頂有另一部機飛緊，所以我飛左兩轉就走了！
回家路上，好友找我食飯，因為煲左湯，又去佢屋企吃飯，有好友的拿手菜生菜包、蒸鯇魚、炆冬菇，好味！好飽！
食完飯睇電視，好友裝左 Netflix ，可以睇好多電影，我地一次過睇左不死劫，同埋思裂，因為係異能仨的前兩部，不過異能仨上左成個月，應該在佢落畫前都唔得閒去睇！之後睇下 Netflix 或者千尋有冇得睇！
沒有留言:
發佈留言