我地上到去狹霧台，見到個景真係好靚，加上天色好好，陽光普照，山上一片翠綠，又望到晒成個由布市，真係要即刻攞架飛機出嚟飛，見到呢度嘅有遊人都係揸車嚟，好多人都係影咗幾張相就走，我地就喺度放飛機，好友set 咗個高度去到500米，飛上山嘅時候佢仲可以穿雲，我就冇攪到咁高，淨係影下山上面嘅馬路同埋外面嘅景，我地拍得好開心，因為個景真係好靚，其他遊人見到我地放飛機，都好好奇，又係有D日本人埋來問我地，都係唔知佢想問乜野，我估佢都係問我地果架係普通飛機定係航拍機，我地飛左兩轉，飛返來後，就去旁邊嘅小店買紀念品，跟住就揸車走！
沒有留言:
發佈留言