屋企個 Dyson 吸塵機壞咗，要攞去旺角新世紀果然度整，放低俾佢整，要等一個鐘，就去搵嘢食，去商場度睇下有乜嘢食，其實呢度食店唔多，所以冇幾多間選擇，去咗呢間食日本嘢嘅，之前 The One 開分店果陣時已經嘗試，一直都冇試過，今日見佢午餐做八五折，就試一試佢啦！
叫咗個刺身飯，跟餐有麵豉湯、沙律，仲有一疊碗唔知係乜嘢黎嘅前菜，壽司飯個樣都OK，不過質素就好一般，我仲叫左一杯巨峰梳打，今日真係非常之熱，所以都要飲杯凍野！
攞完吸塵機就行咗一陣，然後諗下今晚食乜嘢，再去超市度買餸，最後買左兩塊豬扒，今晚整慢煮！
沒有留言:
發佈留言