慢煮豬扒

整過幾次慢煮，主要都係牛扒，今次試吓整豬扒，參考左網上嘅一D資料，再睇埋Apps入邊嘅食譜，見到溫度上面嘅選擇都有幾大差別，見有D用五十幾度，有D上到去七十幾度，始終係豬肉唔敢整咁低溫度，第一次整，買左西班牙橡果黑毛豬扒，塊豬扒質素都幾好，所以我set左去73.9度慢煮1.5小時，豬扒用鹽同埋黑胡椒加香草醃一醃先，然後抽真空煮，煮到仲有幾分鐘嘅時候就整定蒜頭，慢煮完嘅豬扒再攞去煎一煎兩面，今晚就開支 Gin 酒飲下，整返杯Gin tonic ，切開豬扒睇下，D肉白雪雪，我嫌佢唔夠Juicy，下次可以調返低D時間或者低少少溫度，始終心理關口都覺得豬肉要超過70度，所以下次試試較短D時間，睇下個效果會唔會好D，不過豬扒雖然唔係好 juicy，但係都好味！可能本身塊豬扒質素都唔差！