今日好忙！好忙！好忙 ！！
同我一樣咁忙嘅好友約我食飯，既然大家都忙左成日，一齊去食返餐！落左去銅鑼灣，行去時代廣場望下有乜嘢食，見到呢間餐廳好似唔錯，就上去睇下！餐廳在戲院的旁邊，在門口我看餐牌，覺得唔錯，就入去食啦！間餐廳唔知開咗幾耐，不過睇落都幾新淨！晚飯時間都唔係太多人，我地叫咗一個青口、炒雜菜、海鮮湯飯，兩個人叫咁多嘢食，青口好味，如果有麵包點汁就好喇！不過如果叫埋蒜蓉包就會太多，會食到好飽，因為我地一早睇餐牌果陣已經睇啱左兩款甜品，所以唔叫咁多嘢食，炒雜菜就一般啦，個海鮮湯飯因為有番茜，好友唔食芫茜，覺得陣味頂唔順，我地嘗試問下店員可唔可以換，店員都幫我地換咗冇芫茜，good !
食完主菜，就梗係甜品啦！我地叫咗木糠蛋糕同埋多士，木糠蛋糕個味道都唔錯，細細杯唔會太飽，多士就只有兩件，極都係啱啱好夠食，唔會太多，整體食物都唔錯，而且服務都幾好，埋單果陣店員問我地有冇UA戲院會員卡，原來仲有八五折，正！可以平D！
沒有留言:
發佈留言