花卉展覽 / Dazzling cafe

上星期去咗花卉展覽，今星期又再去，因為好友未去過，所以陪佢去一次，今日睇D花同上次大致上一樣，有少數係上次睇漏左，定係新加左？我唔清楚，總之上次冇見過，今次就有影返，今日非常之熱，天氣非常之好，好足夠嘅光線，不過真係身水身汗！

影完相大家都覺得肚餓，近近地去皇室堡食個Tea，叫咗個芒果厚多士，我以叫咗一杯碟豆花檸檬梳打，好友就叫咗一杯檸檬薑 Mojito，個多士好多忌廉，唔記得咗叫佢少忌廉！唯有撥開佢！

食完個 tea ，去搵另一個好友，睇吓佢今晚得唔得閒一齊食飯，點知佢真係得閒，佢男友正在家預備煮飯，於是我地決定一齊去佢屋企煮飯仔！