今日想早D起身，但又瞓晏左！今日早餐去食一蘭拉麵！早上都唔算多人，千日前分店除左一般單人位，依家仲多左有四方枱，可以一班人坐埋一枱，不過我地都係坐單人位，咁先至係佢地特色！食完麵，出發去京都！
由難波撘車去大阪站，撘阪急京都線，由大阪去河原町，總站開出終點總站落，由頭坐到尾，今日冇特急車，只有準急車，43分鐘到達河原町，一出站就落雨！雨勢頗大，我們往衹園方向行，過左條河，就係衹園四条，先去花見小路行一行，其實呢度冇乜野睇，因為得食店，只係影下古色古香的建築和街道，行返出大街，沿路前往八阪神社，在神社影下相參觀一下，今日都好多人著和服，見到我上次租和服果座大廈，地下一層開了家 Pablo 芝士蛋糕店呢！行完呢邊就過返對面街，又去睇我好鐘意果間商店 かつら清老舖，睇佢地D傳統髮飾，好靚，我買左三朵小花，我諗有機會用！行過一家甜品店，好似好吸引，所以入去試試！店子叫做衹園小石，主要賣飴，即係糖果，兼賣綠茶甜品，呢度有不少線茶甜品店，比呢間吸引左入去，因為食物模型好靚！我們叫了兩個set ，每個 set有一杯芭菲同一小碗 黑糖みつわらび餅，唔知中文叫乜嘢，睇相就知！芭菲揀左綠茶同黑糖，好味！
行完四条，撘車去稻荷，坐京阪本線去東福寺轉 JR奈良線，一個站便到稻荷，其實可以唔轉車，直接坐京阪本線過多兩個站，到伏見稻荷站落，不過要行遠D，行返去JR奈良線的稻荷站，所以我選擇轉車，去到稻荷站，見個站D柱全部係鳥居果隻橙紅色，一定冇錯，一出站已經係伏見稻荷大社的入口，第一次來，上次已經想來，最後冇去到京都，今次可以來睇下！好多人！感覺成個京都好多遊客，記得第一次來京都，冇乜人，又極少見到人著和服，有都係日本人，依家著親和服都係遊客，D和服仲係同出一徹！難怪京都人都好不滿！不過京都確實古色古香，好值得來欣賞，知道清水寺維修，所以都冇去到，今次一心想來伏見稻荷大社，去睇千鳥居！一入到去，見到一條食街，好多野食，不過我地食左甜品唔肚餓，冇食野！除左食物，當然唔少得紀念品，大量招財貓同鳥居，不過唔知鳥居是否適合放家中，所以冇買！行左一圈去返本殿，見有D繪馬，都係鳥居型，好配合！沿住本殿順路行，就可以去到千鳥居，鳥居依山而建，一路係山林河流，其實好似行山咁，個個人都係一路行一路影，無奈影親相都一定有人，行左一段之後，停一停望下地圖，原來只係行左一小段，跟住果段路要上山路，覺得太遠，所以走返回頭路，回頭反而冇乜人，可以影到D冇人既相！行完千鳥居都冇野行，所以搭返車出去，走果陣搭 JR奈良線去京都站，𨍭JR京都線去梅田！
到左梅田，行左阪急百貨，買左D玄米茶葉，然後在附近搵野食，原本想去杜如風之前介紹的烤肉店，但距離太遠，所以放棄左，想食壽司，見有一間回轉壽司，成日見到佢個 Logo，叫做がんこ回轉壽司，即管試試，叫左D想食的，質素麻麻，價錢相對偏高，不過唔試唔知好唔好，試左唔好可以叫人唔使試！食完壽司唔係好飽，返到難波，買左蕃薯返酒店食！
沒有留言:
發佈留言