今日晏小小先起身，因為想去高島屋食野，知道好多食店開11:00，睇下有冇西餐開10:00，上到去睇，真係一間都冇！不過七樓有 event ，同上次我地去見到做北海道 event 一樣，都有好多野食，仲有電視台來拍攝，不過食物唔太吸引，而且好多係生食物，買返去煮果種，見有一處食拉麵的，就入去食！拉麵得兩款，我叫左有鮑魚果款，個鮑魚好細，差D睇佢唔到！
食完拉麵，就搭車去亞倍野，之前去過一次 Harukas ，上次亦去過 Q mall 果間 Sailor Moon 餐廳，今次去 Harukas ，撘大阪市營電鐵千日前線，在谷町九丁目轉谷町線去阿倍野站，要行一段路，（回程才發覺應該搭 JR 關西本線，4個站到難波），呢度有間近鉄百貨店，上次杜如風介紹過一款錫杯，話可以減低酒精辣度，令酒變得純左，見其他百貨公司冇，就買返隻，價錢都唔平，佢上次介紹富士山型的錫杯要八千多日圓，約$584港紙，杯比較細，大小小的一萬日圓，我選一個外層金色的，好漂亮，雖然仍覺得細，但要萬二日圓，有點貴，如果真係可以令酒純D，都值得買，可惜冇貨！陳列很花損，店員卻說有一個再大小小，冇 show 出來，再貴一點........諗一諗，有95折兼退稅，都係買啦！原本想買果個覺得唔夠大，呢個 size好啱心水！最近在網上見到一段文字，話如果你猶豫買唔買時，先問自己買了會破產嗎？不買會發達嗎？其實即係話你猶豫買唔買的話就買啦！
買完杯就買碟，見 LC 出左牛角包同法包造型碟，好可愛！所以想買，仲一定要買啡色，先至似樣！不過呢度牛角包冇啡色而且芝麻字，所以冇買到！返去高島屋先買！跟住去食飯，就在百貨公司上面搵食，食返餐壽司先！店子叫すしこけい，我們叫了兩個set，壽司質素一般，其中有一件係用菜心做壽司？！？！雖然餐牌有相，不過冇為意願來係菜心！即刻諗起香港以前果間明將！不過菜心算正常過明將好多！食客飯繼續行街，去到地庫果層，見到我至愛手信品牌，Patisserie Creations Gateau Festa Harada !! 依家大阪都有！仲出左D新野，有白色情人節白朱古力味！Rusk 以外仲有出朱古力！不過我至愛仍然係唯一一款咸的鵝肝味！最啱送紅酒！見佢只有幾盒，成日覺得佢就快停產，但係又出左細盒裝！一於買多幾盒做手信！跟住買D水果就返去，今晚 book 左食烤肉放題，要準時到！
先返酒店放低野先，再出去，去返難波東方酒店果間 あぶりや，呢度其實除左烤肉仲有其他野食，不過個個食牛唔好咁蝕！飲品方面，一千日圓任飲，計過條數，如果飲 cocktail 要飲三杯先可以回本，如果飲 sake 就飲兩小瓶已經回本！不過我地唔想飲咁多酒精，所以飲 cocktail 算！今晚都食左好多野，仲每人飲左4杯野，食到 last order食足二小時，食埋甜品，真係飽到不行！
沒有留言:
發佈留言